2019ലെ ഒമാൻ ഗവൺമെന്റിന്റെ ഭജറ്റിന്‌ അംഗീകാരം നൽകി. ഒമാൻ ഭരണാധികാരി സുൽത്താൻ ഖാബൂസ് ബിൻ സൈദാണ് അംഗീകാരം നൽകിയത്.12.9 ബില്യൺ ഒമാനി റിയാല്‍ ചെലവ് ഉൾക്കൊള്ളിച്ചു കൊണ്ടാണ് ഒമാൻ സർക്കാരിന്റെ ബജറ്റ് പ്രഖ്യാപനം. എണ്ണ വില ബാരലിന് 58 അമേരിക്കൻ ഡോളർ അടിസ്ഥാനമാക്കിയാണ് ഈ വർഷത്തെ ഒമാൻ ബജറ്റ്‌ തയാറാക്കിയിരിക്കുന്നത്.

ഈ വരുന്ന സാമ്പത്തിക വര്‍ഷം സർക്കാർ പ്രതീക്ഷിക്കുന്ന വരുമാനം 10.1 ബില്യൺ ഒമാനി റിയൽ ആണ്.ഇതിലൂടെ പുതിയ പദ്ധതികൾ പ്രഖ്യാപിക്കാൻ സാധ്യതയുണ്ടെന്നാണ് എന്നാണ് വിലയിരുത്തൽ. എന്നാൽ,2.8 ബില്യന്‍ ഒമാനി റിയാലിന്റെ കമ്മിയുണ്ടാകുമെന്നും ബജറ്റിൽ വ്യക്തമാക്കുന്നു.

ബജറ്റിലെ കമ്മിയായ 2.8 ബില്യൺ ഒമാനി റിയാലിൽ, 2.4 ബില്യൺ റിയൽ വിദേശ - ആഭ്യന്തര വായ്പകളിലൂടെ സമാഹരിക്കും. ബാക്കി 400 മില്യൺ ഒമാനി റിയൽ രാജ്യത്തിന്റെ കരുതൽ നിക്ഷേപത്തിൽ നിന്നും പിൻവലിക്കും.

വരുമാനത്തിന്റെ 70 ശതമാനം എണ്ണ വ്യാപാരത്തിലൂടെയും മുപ്പതു ശതമാനം എണ്ണ ഇതര മേഖലയിൽ നിന്നുമാണ് സർക്കാർ പ്രതീക്ഷിക്കുന്നത്. ഈ വര്‍ഷത്തെ ഒമാന്റെ വാർഷിക ബജറ്റ്, രാജ്യത്തിന്റെ സാമ്പത്തിക സുസ്ഥിരത നിലനിർത്തുന്നതിനോടൊപ്പം സ്വദേശി പൗരന്മാരുടെ ജീവിത നിലവാരവും സാമ്പത്തിക വളർച്ചയും ഉറപ്പുവരുത്തുന്ന ബജറ്റ് ആണെന്നും ഒമാൻ സാമ്പത്തിക മന്ത്രാലയം വർത്താക്കുറിപ്പില്‍ വ്യക്തമാക്കി.