നിയമസഭാ തെരഞ്ഞെടുപ്പ് നടന്ന തെലുങ്കാനയില്‍ നിയമസഭാ സമ്മേളനം ജനുവരി 17ന്. നാല് ദിവസമാണ് സഭ സമ്മേളിക്കുന്നത്. സ്പീക്കര്‍ തെരഞ്ഞെടുപ്പാണ് സഭാ സമ്മേളനത്തിന്റെ മുഖ്യ അജന്‍ഡ.
സമ്മേളനത്തിന് മുന്നോടിയായി പ്രോടേം സ്പീക്കറായി മുംതാസ് അഹമ്മദ് ഖാന്‍ സത്യപ്രതിജ്ഞ ചെയ്യും.

ജനുവരി 17ന് സ്പീക്കര്‍ തെരഞ്ഞെടുപ്പ് പ്രഖ്യാപിക്കുകയും നാമനിര്‍ദേശ പത്രിക സ്വീകരിക്കുകയും ചെയ്യും. ജനുവരി 18നാണ് സ്പീക്കര്‍ തെരഞ്ഞെടുപ്പ്. 19ന് ഗവര്‍ണര്‍ ഇ.എസ്.എല്‍. നരസിംഹന്‍ നിയമസഭയെ അഭിസംബോധന ചെയ്യും. ഡിസംബര്‍ ഏഴിന് നടന്ന തെരഞ്ഞെടുപ്പില്‍ ടിആര്‍എസ് 119 അംഗ നിയമസഭയില്‍ 88 സീറ്റുകള്‍ നേടി അധികാരം പിടിച്ചിരുന്നു. കോണ്‍ഗ്രസ് 19 സീറ്റുകളിലും ബിജെപി ഒരു സീറ്റിലും വിജയിച്ചിരുന്നു.