പൗരന്മാരുടെ കമ്പ്യൂട്ടറുകളും മൊബൈല് ഫോണുകളും നിരീക്ഷിക്കാനുള്ള കേന്ദ്രസര്ക്കാര് നീക്കത്തിനെതിരെ പൊതുതാല്പര്യഹര്ജി
രാജ്യത്തെ കമ്പ്യൂട്ടറുകളിലൂടെയും മൊബൈല് ഫോണുകളിലൂടെയും പൗരന്മാര് കൈമാറുന്ന വിവരങ്ങള് നിരീക്ഷിക്കാനുള്ള കേന്ദ്രസര്ക്കാര് നീക്കത്തിന് സുപ്രീംകോടതിയുടെ നോട്ടീസ്. കേന്ദ്ര സര്ക്കാര് ഉത്തരവിനെതിരായ പൊതുതാത്പര്യ ഹരജിയിലാണ് കോടതി നോട്ടീസ് അയച്ചത്. ഉത്തരവ് സ്റ്റേ ചെയ്യണമെന്ന ഹര്ജി ആറാഴ്ചക്ക് ശേഷം വീണ്ടും പരിഗണിക്കും.
ഡിസംബര് 20-ന് പുറത്തിറക്കിയ ഉത്തരവില് സി.ബി.ഐ, എന്.ഐ.എ, റോ അടക്കം സര്ക്കാരിന്റെ 10 ഏജന്സികള്ക്ക് ഉടമസ്ഥരുടെ അനുമതിയില്ലാതെ കമ്പ്യൂട്ടര്, മൊബൈല് ഫോണ് അടക്കമുള്ള ഇലക്ട്രോണിക് ഉപകരണങ്ങളിലെ വിവരങ്ങള് നിരീക്ഷിക്കാമെന്നാണ് പറയുന്നത്.
ഇന്റലിജന്സ് ബ്യൂറോ, നാര്കോട്ടിക് കണ്ട്രോള് ബ്യൂറോ, എന്ഫോഴ്സ്മെന്റ് ഡയറക്ടറേറ്റ്, സെന്റര് ബ്യൂറോ ഓഫ് ഡയറക്ട് ടാക്സ്, ഡയറക്ടര് ഓഫ് റവന്യൂ ഇന്റലിജന്സ്, സി.ബി.ഐ, എന്.ഐ.എ, കാബിനറ്റ് സെക്രട്ടറിയേറ്റ് (റോ), ജമ്മു കശ്മീര്, വടക്ക് കിഴക്കന്, അസം സംസ്ഥാനങ്ങളില് പ്രവര്ത്തിക്കുന്ന ഡയറക്ടറേറ്റ് ഓഫ് സിഗ്നല് ഇന്റലിജന്സ്, ഡല്ഹി പൊലീസ് കമീഷണര് എന്നിവര്ക്കാണ് അനുമതി നല്കിയിട്ടുള്ളത്.
ഉത്തരവ് ശക്തമായ വിമര്ശനത്തിന് വഴിവെച്ചിരുന്നു. അപകടകരമായ ഈ ഉത്തരവ് ദുരുപയോഗം ചെയ്യപ്പെടാമെന്നും പ്രതിപക്ഷം ആരോപിച്ചിരുന്നു.
https://www.facebook.com/Malayalivartha
