ബിജെപിക്ക് വീണ്ടും തിരിച്ചടി; പശ്ചിമ ബംഗാളില് രഥയാത്ര നടത്താന് അനുവദിക്കണമെന്ന് ആവശ്യപ്പെട്ട് ബിജെപി നല്കിയ ഹര്ജി സുപ്രീം കോടതി തള്ളി
പശ്ചിമ ബംഗാളില് രഥയാത്ര നടത്താന് അനുവദിക്കണമെന്ന് ആവശ്യപ്പെട്ട് ബിജെപി നല്കിയ ഹര്ജി സുപ്രീം കോടതി തള്ളി. നിലവിലെ രഥയാത്രയുടെ രൂപരേഖ പരിഷ്ക്കരിച്ചാല് പിന്നീട് പരിഗണിക്കാം എന്ന് കോടതി അറിയിച്ചു. അതേസമയം, യോഗങ്ങളും റാലികളും സംഘടിപ്പിക്കുന്നതില് തടസമില്ലെന്നും സുപ്രീം കോടതി നിരീക്ഷിച്ചു. രഥയാത്ര നടന്നാല് ബംഗാളില് വ്യാപക സംഘര്ഷങ്ങളും വര്ഗീയ കലാപവും ഉണ്ടാകാന് സാധ്യതയുണ്ടെന്നാണ് ബംഗാള് സര്ക്കാര് കോടതിയെ അറിയിച്ചത്.
കൊല്ക്കത്ത ഹൈക്കോടതി ഡിവിഷന് ബെഞ്ച് രഥയാത്ര നടത്താനുള്ള അനുമതി നിഷേധിച്ചതോടെയാണ് ബിജെപി ബംഗാള് ഘടകം സുപ്രീംകോടതിയെ സമീപിച്ചത്. ബംഗാളില് മൂന്ന് രഥയാത്രകള് നടത്തുന്നതിന് കൊല്ക്കത്ത ഹൈക്കോടതി സിംഗിള് ബഞ്ച് നേരത്തെ ബിജെപിക്ക് അനുമതി നല്കിയിരുന്നു.
എന്നാല് ഈ ഉത്തരവ് ഡിവിഷന് ബെഞ്ച് റദ്ദാക്കിയതോടെയാണ് അനുമതി തേടി ബിജെപി സുപ്രീംകോടതിയെ സമീപിച്ചത്. രഥയാത്ര പ്രശ്നങ്ങള് സൃഷ്ടിച്ചേക്കാമെന്ന മുന്വിധിയുടെ അടിസ്ഥാനത്തിലാണ് തൃണമൂല് കോണ്ഗ്രസ് നേതൃത്വം നല്കുന്ന സര്ക്കാര് അനുവാദം നല്കാത്തതെന്നാണ് ബിജെപി വാദം.
https://www.facebook.com/Malayalivartha
