ബി ജെ പിയെ തകര്ക്കാന് ലക്ഷ്യമിട്ട് കോണ്ഗ്രസ് ; യുപിയില് ജനറല് സെക്രട്ടറിയായി പ്രിയങ്ക ഗാന്ധിയെ രംഗത്തിറക്കിയതിലൂടെ കോണ്ഗ്രസ് ലക്ഷ്യമിടുന്നത് ബിജെപിയുടെ അടിത്തറയിളക്കല്
ബി ജെ പിയെ തകര്ക്കാന് ലക്ഷ്യമിട്ട് കോണ്ഗ്രസ്. 2022 ഓടെ ഉത്തര്പ്രദേശ്ഭരണം പൂര്ണ്ണമായും കോണ്ഗ്രസിന്റെ കൈപിടിലെടുക്കാനാണ് പ്രിയങ്കയെ തന്നെ ചുമതല ഏല്പ്പിക്കാന് രാഹുല് തീരുമാനിച്ചത് എന്നത് വ്യക്തം.യുപിയില് ജനറല് സെക്രട്ടറിയായി പ്രിയങ്ക ഗാന്ധിയെ രംഗത്തിറക്കിയതിലൂടെ കോണ്ഗ്രസ് ലക്ഷ്യമിടുന്നത് ബിജെപിയുടെ അടിത്തറയിളക്കല്. കേന്ദ്രത്തില് ബിജെപിയെ പുറത്താക്കുന്നതിനുള്ള ഫലപ്രദ മാര്ഗം യുപിയിലൂടെയാണെന്ന യാഥാര്ഥ്യം തിരിച്ചറിഞ്ഞ്, നിര്ണായക രാഷ്ട്രീയ നീക്കങ്ങള്ക്കുള്ള പൂര്ണ സ്വാതന്ത്ര്യം നല്കിയാണു പ്രിയങ്കയെ പാര്ട്ടി അധ്യക്ഷന് രാഹുല് ഗാന്ധി ഇവിടെ നിയോഗിച്ചത്.
ബിജെപിയെ മലര്ത്തിയടിക്കാന് എസ്പി ബിഎസ്പി കക്ഷികളുമായി രഹസ്യ ചര്ച്ചകള്ക്കു പ്രിയങ്ക അണിയറ നീക്കങ്ങള് നടത്തും. ഒന്നിച്ചു നിന്ന് ബിജെപിയുടെ പരാജയം ഉറപ്പാക്കുക എന്ന കോണ്ഗ്രസ് സന്ദേശവുമായി അഖിലേഷ് യാദവിനെയും മായാവതിയെയും സമീപിക്കാനുള്ള പച്ചക്കൊടി ദേശീയ നേതൃത്വം പ്രിയങ്കയ്ക്കു നല്കിയിട്ടുണ്ട്.ബിജെപിയുടെ കരുത്തായ ബ്രാഹ്മണ സവര്ണ വോട്ട് ബാങ്കില് വിള്ളല് വീഴ്ത്താന് തനിക്കാവുമെന്ന അവകാശവാദത്തിലൂടെ എസ്പിക്കും ബിഎസ്പിക്കും മുന്നില് പ്രിയങ്ക വിലപേശല് നടത്തും. പ്രബല ശക്തിയായി കോണ്ഗ്രസ് കൂടി രംഗത്തിറങ്ങുമ്പോള് പ്രതിപക്ഷ കക്ഷികള്ക്കിടയില് ന്യൂനപക്ഷ വോട്ടുകള് ഭിന്നിക്കുന്നത് ബിജെപിക്കു ഗുണം ചെയ്യുമെന്നും അതു തടയാന് പരസ്പര ധാരണ അനിവാര്യമാണെന്നും പ്രിയങ്ക നിലപാടെടുക്കും. തിരഞ്ഞെടുപ്പ് സഖ്യത്തില് നിന്നു കോണ്ഗ്രസിനെ തഴഞ്ഞ എസ്പിയും ബിഎസ്പിയും പല മണ്ഡലങ്ങളിലും അവരുമായി അണിയറയില് ൈകകോര്ക്കാന് ഇതു വഴിയൊരുക്കും.തിരഞ്ഞെടുപ്പ് ഗോദയില് പ്രിയങ്കയിലൂടെ കരുത്തറിയിക്കാന് കോണ്ഗ്രസിനു സാധിച്ച സാഹചര്യത്തില്, 12 സീറ്റുകളിലെങ്കിലും ധാരണയ്ക്കുള്ള സാധ്യതകള് പരിശോധിക്കുമെന്ന് എസ്പി വൃത്തങ്ങള് പറഞ്ഞു. കഴിഞ്ഞ നിയമസഭാ തിരഞ്ഞെടുപ്പില് എസ്പിയുമായുള്ള സഖ്യത്തിന് അഖിലേഷുമായി കോണ്ഗ്രസിന്റെ ഭാഗത്തുനിന്ന് ചര്ച്ചകള് നടത്തിയത് പ്രിയങ്കയായിരുന്നു.2022 ലെ നിയമസഭാ തിരഞ്ഞെടുപ്പില് യുപിയുടെ ഭരണം പിടിക്കാന് ലക്ഷ്യമിടുന്ന കോണ്ഗ്രസ്, പ്രിയങ്കയെ അവിടെ പാര്ട്ടിയുടെ മുഖ്യമന്ത്രി സ്ഥാനാര്ഥിയായി ഭാവിയില് ഉയര്ത്തിക്കാട്ടാനും മടിക്കില്ല. കഴിഞ്ഞ ദിവസം ചേര്ന്ന പാര്ട്ടി ജനറല് സെക്രട്ടറിമാരുടെ യോഗത്തില്, യുപിയില് ഭരണം പിടിക്കേണ്ടതിന്റെ അനിവാര്യത രാഹുല് ചൂണ്ടിക്കാട്ടിയിരുന്നു. പ്രിയങ്കയുടെയും ജ്യോതിരാദിത്യ സിന്ധ്യയുടെയും ദീര്ഘകാല ലക്ഷ്യം ഇതായിരിക്കണമെന്നും രാഹുല് നിര്ദേശിച്ചു.യുപിയിലെ തങ്ങളുടെ പുതിയ നേതാവിനു കരുത്തു പകരാന് പ്രിയങ്ക സേനയ്ക്കു രൂപം നല്കി പാര്ട്ടിയുടെ സംസ്ഥാന ഘടകം. പ്രിയങ്കയ്ക്കായി ജീവന് വരെ നല്കാന് തയാര് എന്ന പ്രതിജ്!ഞയെഴുതിയ പിങ്ക് ടീഷര്ട്ട് ധരിച്ച യുവാക്കളാണു സേനയിലെ അംഗങ്ങള്. പ്രിയങ്ക പ്രചാരണത്തിനിറങ്ങുന്ന സ്ഥലങ്ങളിലെല്ലാം പ്രവര്ത്തകരില് ആവേശമുയര്ത്തുക എന്നതാണു സേനയുടെ പ്രാഥമിക ദൗത്യം. സംസ്ഥാനത്തുടനീളം പ്രിയങ്കയെ സേന പിന്തുടരും.
എന്തായാലും ബി ജെ പിയുടെ അടിത്തറയിളക്കുക എന്നുമാത്രമല്ല ഇന്ത്യയില് നിന്ന് മോദി തരംഗം പാടെ തുടച്ചുമാറ്റുക എന്ന വ്യക്തമായ ലക്ഷ്യം കൂടി പ്രിയങ്കയുടെ രാഷ്ട്രീയപ്രവേശനത്തില് ഉണ്ടെന്നാണ് പുറത്തുവരുന്ന റിപ്പോര്ട്ടുകള്. ഇന്ത്യയുടെ കാവല്ക്കാരന് കള്ളനാെന്ന് രാഹുല് ആവര്ത്തിക്കുന്നതിന്റെ പിന്നിലും അത്തരം അജണ്ടയുണ്ടെന്ന്.
https://www.facebook.com/Malayalivartha
