മുകളില് നിന്നുകൊണ്ട് തനിക്ക് അത്ഭുതം പ്രവര്ത്തിക്കാനാകില്ല; പാര്ട്ടിയുടെ പ്രകടനം ബൂത്ത് തലം മുതലുള്ള സംഘാടനയെയാണ് ആശ്രയിച്ചിരിക്കുന്നതെന്ന് പ്രിയങ്കാ ഗാന്ധി
മുകളില് നിന്നുകൊണ്ട് തനിക്ക് അത്ഭുതം പ്രവര്ത്തിക്കാനാകില്ലെന്ന് കോണ്ഗ്രസ് പ്രവര്ത്തകരോട് പ്രിയങ്കാ ഗാന്ധി. പാര്ട്ടിയുടെ പ്രകടനം ബൂത്ത് തലം മുതലുള്ള സംഘാടനയെയാണ് ആശ്രയിച്ചിരിക്കുന്നതെന്ന് പ്രിയങ്കാ ഗാന്ധി പറഞ്ഞു. ഉത്തര്പ്രദേശിലെ ബുന്ദേല്ഖണ്ഡില് പ്രവര്ത്തകരോട് സംവദിക്കുന്നതിനിടെയായിരുന്നു കോണ്ഗ്രസ് ദേശീയ ജനറല് സെക്രട്ടറിയുടെ പ്രതികരണം.എനിക്ക് മുകളില് നിന്ന് അത്ഭുതം പ്രവര്ത്തിക്കാനാകില്ല. ബൂത്ത് തലം മുതല് പ്രവര്ത്തകര് പാര്ട്ടിയെ ശക്തിപ്പെടുത്തണം.
യുപിയില് പാര്ട്ടിയെ ശക്തിപ്പെടുത്താന് എനിക്ക് നിങ്ങളുടെ സഹായം വേണം. പ്രിയങ്കാ ഗാന്ധി ആരെങ്കിലും പാര്ട്ടി വിരുദ്ധ പ്രവര്ത്തനങ്ങളില് ഏര്പ്പെടുന്നത് കണ്ടാല് പുറത്തേക്കുള്ള വഴി കാണിച്ചുകൊടുക്കുമെന്ന് പ്രിയങ്ക താക്കീത് ചെയ്തു. രകബ്ഗനി റോഡിലെ കോണ്ഗ്രസ് വാര് റൂമിലെ യോഗത്തിനിടയില് മേഖലയിലെ ബൂത്ത് തല സംവിധാനം പ്രിയങ്ക വിലയിരുത്തി.നാല് ലോക്സഭാ സീറ്റുകളും 19 നിയമസഭാ സീറ്റുകളും അടങ്ങുന്ന മേഖലയാണ് ബുന്ദേല്ഖണ്ഡ്. ഝാന്സി-ലളിത്പൂര്, ജാല്വാന്, ബാന്ദ, ഹാമീര്പൂര് എന്നി ലോക്സഭാ സീറ്റുകളാണ് ഇവിടെയുള്ളത്.
താങ്കള് മുന് പ്രധാനമന്ത്രിയും മുത്തശ്ശിയുമായ ഇന്ദിരാ ഗാന്ധിയെ ഓര്മ്മിപ്പിക്കുകയാണെന്ന് നേതാക്കള് പ്രിയങ്കയോട് പറഞ്ഞു. ഝാന്സി റാണിയുടെ പ്രതിമ കോണ്ഗ്രസ് പ്രവര്ത്തകര് പ്രിയങ്കയ്ക്ക് സമ്മാനമായി നല്കി.പ്രിയങ്ക കഴിഞ്ഞയാഴ്ച്ച ലക്നൗവില് പാര്ട്ടി പ്രവര്ത്തകരുമായി തുടര്ച്ചയായി ചര്ച്ചകള് നടത്തിയിരുന്നു. മിക്ക സെഷനുകളും രാത്രി വരെ നീണ്ടു. യുപിയില് ശക്തമായ തിരിച്ചുവരവ് നടത്താനുള്ള പരിശ്രമത്തിലാണ് കോണ്ഗ്രസ്. യുപിയില് ബിജെപിയില് നിന്നും എസ്പി-ബിഎസ്പി സഖ്യത്തില് നിന്നുമുള്ള വെല്ലുവിളികളാണ് കോണ്ഗ്രസ് മറികടക്കേണ്ടത്.
https://www.facebook.com/Malayalivartha