ലോകം മുളുവന്‍ ഇന്ത്യക്കൊപ്പം. ഇപ്പോഴിതാ പാകിസ്താന്റെ പിടിയിലായ ഇന്ത്യന്‍ വ്യോമസേനാ പൈലറ്റിനെ വിട്ടുകൊടുക്കണമെന്ന് പാക് മുന്‍ പ്രധാനമന്ത്രി സുള്‍ഫിക്കര്‍ അലി ഭൂേട്ടായുടെ കൊച്ചുമകളും എഴുത്തുകാരിയുമായ ഫാത്തിമ ഭൂട്ടോ. രാജ്യം കസ്റ്റഡിയിലെടുത്ത ഇന്ത്യന്‍ പൈലറ്റിനെ മോചിപ്പിക്കണം. അങ്ങനെ സമാധാനം പുലര്‍ത്തുന്നതിനും മനുഷ്യത്വത്തിനും അഭിമാനം സംരക്ഷിക്കുന്നതിനുമുള്ള നമ്മുടെ ആത്മാര്‍ഥത തെളിയിക്കണം എന്നാണ് താനുള്‍പ്പെടെ നിരവധി പാക് യുവത ആഗ്രഹിക്കുന്നത് ഫാത്തിമ ഭൂേട്ടാ വ്യക്തമാക്കി. യുദ്ധത്തിനായി ജീവിതകാലം മുഴുവന്‍ നാം ചെലവിടുന്നു. പാക് സൈനികര്‍ കൊല്ലപ്പെടുന്നത് കാണാന്‍ ആഗ്രഹിക്കുന്നില്ല. ഇന്ത്യന്‍ സൈനികരുടെയും മരണം ആഗ്രഹിക്കുന്നില്ല. അനാഥരുടെ ഉപഭൂഖണ്ഡമാകരുത്. നമ്മുടെതെന്നും ഫാത്തിമ ഭൂേട്ടാ ചൂണ്ടിക്കാട്ടി.

തെന്റ തലമുറയിലെ പാകിസ്താനികള്‍ അഭിപ്രായ സ്വാതന്ത്ര്യത്തിനു വേണ്ടി പോരാടിയവരാണ്. ഏറ്റവും ശരിയായതും ആവശ്യമായതുമായ സമാധാനത്തിനു വേണ്ടി ശബ്ദമുയര്‍ത്താന്‍ തങ്ങള്‍ക്ക്? ഭയമില്ല. പട്ടാള ഭരണത്തിന്റെയും തീവ്രവാദത്തിന്റെയും അസ്ഥിരതകളുടെയും നീണ്ട ചരിത്രം അനുഭവിച്ച തെന്റ തലമുറയിലെ പാകിസ്താനികള്‍ യുദ്ധത്തെ അംഗീകരിക്കുകയോ യുദ്ധാഹ്വാനത്തോട് താത്പര്യം കാണിക്കുകയോ ഇല്ല.

തെന്റ രാജ്യം അയല്‍ രാജ്യങ്ങളുമായി സമാധാനപൂര്‍വം കഴിഞ്ഞത് കണ്ടിട്ടില്ല. എന്നാല്‍ രണ്ട് ആണവ ശക്തികള്‍ ട്വിറ്റര്‍ യുദ്ധം നടത്തുന്നതും ഇതുവരെ കണ്ടിട്ടില്ലെന്നും' ഫാത്തിമ ഭൂേട്ടാ പറഞ്ഞു. ബുധനാഴ്ച ഉച്ചയോടെ സേ നോ ടു വാര്‍ എന്ന ഹാഷ്ടാഗ് ട്വിറ്ററില്‍ പ്രചരിക്കുന്നുണ്ട്. കഴിഞ്ഞ ദിവസം പാകിസ്താന്‍ വെടിവെച്ചിട്ട ഇന്ത്യന്‍ വ്യോമസേനാ വിമാനം മിഗ് 21 ല്‍ നിന്ന് സുരക്ഷിതമായി പുറത്തിറങ്ങിയ പൈലറ്റിന് അഭിനന്ദ് വര്‍ധമാനെയാണ് പാക് സൈന്യം പിടികൂടിയത്. പൈലറ്റിനെ സുരക്ഷിതനായി ഉടന്‍ തിരിെക നല്‍കണമെന്ന് ഇന്ത്യ ആവശ്യപ്പെട്ടിരുന്നു.