ശ്രീലങ്കയിലെ കൊളംബോയെ നടുക്കിയ സ്ഫോടന പരമ്പരയില് കൊല്ലപ്പെട്ടവരില് മലയാളിയും: മരിച്ചത് കാസര്കോട് സ്വദേശിനി
ശ്രീലങ്കയിലെ കൊളംബോയെ നടുക്കിയ സ്ഫോടന പരമ്പരയില് കൊല്ലപ്പെട്ടവരില് മലയാളിയും. കാസര്കോട് സ്വദേശിനി പിഎസ് റസീന(58)യാണ് മരിച്ചത്. ഷാംഗ്രില ഹോട്ടലിലെ സ്ഫോടനത്തിലാണ് റസീന കൊല്ലപ്പെട്ടത്. ഭര്ത്താവിനൊപ്പം വിനോദയാത്രക്ക് എത്തിയതായിരുന്നു റസീന.
ഒരേ സമയം മൂന്നു പള്ളികളിലും മൂന്നു ഹോട്ടലുകളിലും നടന്ന സ്ഫോടനങ്ങളില് ഇതുവരെ മരിച്ചവരുടെ എണ്ണം 156ആയി. നൂറുകണക്കിന് ആളുകള്ക്ക് പരിക്കേറ്റിട്ടുണ്ട്. ഇവരില് പലരുടെയും നില ഗുരുതമാണ്. മരണസംഖ്യ ഇനിയും ഉയര്ന്നേക്കും.
ഈസ്റ്റര് ദിന പ്രത്യേക പ്രാര്ത്ഥനകള്ക്കിടെ ആയിരുന്നു പള്ളികളില് സ്ഫോടനം നടന്നത്. കൊഛികഡെയിലെ സെന്റ് ആന്റണീസ് ചര്ച്ച്, നെഗൊമ്പോയിലെ സെന്റ് സെബാസ്റ്റ്യന് ചര്ച്ച്, ബാറ്റിക്കലോവ ചര്ച്ച് എന്നിവിടങ്ങളിലും ശംഗ്രി ലാ, സിന്നമണ് ഗ്രാന്ഡ്, കിങ്സ്ബറി എന്നീ ഹോട്ടലുകളിലുമാണ് സ്ഫോടനങ്ങളുണ്ടായത്. ആക്രമണത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല. ഇനിയും സ്ഫോടനങ്ങള് ഉണ്ടായേക്കാമെന്നും, ജനങ്ങള് ജാഗ്രത പാലിക്കണമെന്നും ശ്രീലങ്കന് പൊലീസ് മേധാവി മുന്നറിയിപ്പ് നല്കി.
https://www.facebook.com/Malayalivartha
