രണ്ടാനമ്മയുടെ ക്രൂരമര്ദ്ദനം: അഞ്ചും ആറും പതിനൊന്നും വയസ്സുള്ള കുട്ടികളെ പട്ടിണിക്കിട്ട് രണ്ടാനമ്മയുടെ ക്രൂരത; മര്ദ്ദന വിവരം പുറത്തുപറയാതിരിക്കാന് കുട്ടികളെ ഭീഷണിപ്പെടുത്തി
അഞ്ചും ആറും പതിനൊന്നും വയസ്സുള്ള മൂന്ന് കുട്ടികളെയാണ് രണ്ടാനമ്മ ക്രൂരമായി മര്ദ്ദിക്കുകയും ചട്ടുകം പഴുപ്പിച്ച് ശരീരമാസകലം പൊള്ളിക്കുകയും ചെയ്തു. മലപ്പുറം അരീക്കോടാണ് സംഭവം നടന്നത്. സംഭവത്തില് കുട്ടികളുടെ അച്ഛനെയും രണ്ടാനമ്മയെയും അരീക്കോട് പോലീസ് അറസ്റ്റ് ചെയ്തു. നിലവില് ഇവരെ കോടതി റിമാന്ഡ് ചെയ്തിരിക്കുകയാണ്
ഇതര സംസ്ഥാന തൊഴിലാളികളായ ദമ്പതികള് കുട്ടികളെ ദീര്ഘനാളായി പട്ടിണിക്കിടുകയാണെന്നും വീട്ടില് നിരന്തരം മര്ദ്ദനത്തിന് ഇരയാക്കുന്നതും ശ്രദ്ധയില്പ്പെട്ട നാട്ടുകാരാണ് പോലീസില് പരാതി നല്കിയത്. നാട്ടുകാര് നല്കിയ വിവരത്തിന്റെ അടിസ്ഥാനത്തില് അരീക്കോട് പോലീസ് വീട്ടിലെത്തി പരിശോധന നടത്തിയപ്പോഴാണ് കുഞ്ഞുങ്ങളുടെ ശരീരത്തിലെ മുറിവുകള് കണ്ടെത്തിയത്.
കുട്ടികളുടെ ശരീരത്തില് പലയിടത്തും ചട്ടുകം ഉപയോഗിച്ച് പൊള്ളിച്ചതിന്റെ ആഴത്തിലുള്ള പാടുകളുണ്ട്. മര്ദ്ദന വിവരം പുറത്തുപറയാതിരിക്കാന് കുട്ടികളെ ഭീഷണിപ്പെടുത്തിയിരുന്നതായും സൂചനയുണ്ട്. സ്വന്തം മക്കള് ക്രൂരമായി പീഡിപ്പിക്കപ്പെട്ടിട്ടും അത് തടയാന് ശ്രമിക്കാത്തതിനും കുറ്റകൃത്യത്തിന് കൂട്ടുനിന്നതിനുമാണ് പിതാവിനെതിരെയും പോലീസ് നടപടിയെടുത്തത്.
https://www.facebook.com/Malayalivartha
