'ചൗക്കിദാര്‍ ചോര്‍ ഹേ' ; പ്രധാനമന്ത്രി മോദിക്കെതിരായ പരാമർശത്തിൽ സുപ്രീം കോടതിയില്‍ ഖേദം പ്രകടിപ്പിച്ച് രാഹുല്‍ ഗാന്ധി
പ്രധാനമന്ത്രി മോദിക്കെതിരായ വിവാദ പരാമർശത്തിൽ സുപ്രീം കോടതിയില്‍ ഖേദം പ്രകടിപ്പിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. സുപ്രീംകോടതിയിൽ രാഹുൽ ഗാന്ധി മറുപടി നൽകി. പ്രസ്താവന തെരഞ്ഞെടുപ്പ് ചൂടില്‍ പറഞ്ഞുപോയതാണെന്നാണ് രാഹുല്‍ സുപ്രീം കോടതിയെ അറിയിച്ചത്. തെരഞ്ഞെടുപ്പ് പ്രചരത്തിനിടെ പറഞ്ഞത് രാഷ്ട്രീയ പ്രതിയോഗികള്‍ ആയുധമാക്കിയെന്നും രാഹുല്‍ സുപ്രീം കോടതിയെ ധരിപ്പിച്ചു
റഫാൽ കേസിലെ ഉത്തരവിന് ശേഷം കാവൽക്കാരൻ കള്ളനെന്ന് സുപ്രീംകോടതിക്ക് മനസ്സിലായെന്ന പ്രസ്താവനയിലായിരുന്നു കോടതി അലക്ഷ്യ ഹർജി. പ്രസ്താവനക്കെിരെ ബി.ജെ.പി നേതാവ് മീനാക്ഷി ലേഖിയാണ് സുപ്രീം കോടതിയില്‍ ഹർജി നല്‍കിയത്.
ബി.ജെ.പിയുടെ കോടതിയലക്ഷ്യ ഹര്‍ജിയില്‍ കോടതി നേരത്തെ രാഹുല്‍ ഗാന്ധിക്ക് നോട്ടീസ് അയച്ചിരുന്നു. രാഹുല്‍ ഗാന്ധിയുടെ മറുപടി പരിശോധിച്ചതിന് ശേഷം കോടതിയലക്ഷ്യ നടപടികള്‍ വേണോ എന്ന് നാളെ കോടതി തീരുമാനിക്കും. ചീഫ് ജസ്റ്റിസ് അദ്ധ്യക്ഷനായ കോടതിയാണ് കേസ് പരിഗണിച്ചത്.
റാഫേല്‍ കേസിലെ പുനഃപരിശോധന ഹര്‍ജികള്‍ പരിഗണിക്കുമ്പോള്‍ പ്രധാനമന്ത്രിയുടെ ഓഫീസ് നടത്തിയ സമാന്തര ചര്‍ച്ചയെ കുറിച്ച് പുറത്തുവന്ന രേഖകള്‍ കൂടി പരിഗണിക്കാന്‍ സുപ്രീംകോടതി തീരുമാനിച്ചിരുന്നു.
https://www.facebook.com/Malayalivartha
