മാദ്ധ്യമപ്രവര്‍ത്തക ഗൗരി ലങ്കേഷിന്റെ മരണവുമായി ബന്ധപ്പെട്ട് ആര്‍എസ്എസിനെ അപകീര്‍ത്തിപ്പെടുത്തിയതിന് സിപിഎം ജനറല്‍ സെക്രട്ടറി സീതാറാം യച്ചൂരിയ്‌ക്കെതിരെ വാറണ്ട്. മുംബൈ മെട്രോപൊളിറ്റന്‍ കോടതിയാണ് വാറന്റ് പുറപ്പെടുവിച്ചത്.

കേസ് ഈ മാസം 30 ന് കോടതി പരിഗണിയ്ക്കും . ആര്‍എസ്എസ് പ്രവര്‍ത്തകനും അഭിഭാഷകനുമായ ദ്രുതിമാന്‍ ജോഷിയാണ് കേസ് ഫയല്‍ ചെയ്തത് . ഗൗരി ലങ്കേഷ് വധത്തിനു പിന്നില്‍ ആര്‍എസ്എസ് ആണ് എന്ന പ്രഖ്യാപനത്തിനെതിരെയാണ് കേസ് . യാതൊരു തെളിവുമില്ലാതെ ഉന്നയിച്ച ആരോപണത്തില്‍ തനിക്കും സംഘടനയ്ക്കും മാനഹാനി ഉണ്ടായെന്ന് ജോഷി ഹര്‍ജിയില്‍ പറയുന്നു.

2017 സെപ്തംബര്‍ അഞ്ചിനാണ് ഗൗരി ലങ്കേഷ് ബംഗലൂരുവിലെ സ്വവസതിയ്ക്ക് മുന്നില്‍വെച്ച് കൊല്ലപ്പെടുന്നത്. രാജ്യത്തെ ജനങ്ങളെ ഹിന്ദുക്കളും അഹിന്ദുക്കളുമായി വേര്‍തിരിച്ചുകാണുന്നതാണ് നരേന്ദ്ര മോദിയുടെ നയമെന്ന് സി.പി.എം ജനറല്‍ സെക്രട്ടറി സീതാറാം യച്ചൂരി. ഇന്ത്യയെക്കുറിച്ച് വികലമായ കാഴ്ചപ്പാടാണ് നരേന്ദ്രേ മോദിക്കുള്ളത്. ഹിന്ദുത്വ ഇന്ത്യയെന്ന ഈ കാഴ്ചപ്പാടിനെയാണ് പരാജയപ്പെടുത്തേണ്ടത്. കേരളത്തില്‍ യു.ഡി.എഫ് ആണ് മുഖ്യ എതിരാളിയെന്നും സീതാറാം യച്ചൂരി ചെങ്ങന്നൂരില്‍ പറഞ്ഞു.

രാഹുല്‍ഗാന്ധിയുടെ വയനാട് സ്ഥാനാര്‍ഥിത്വത്തെ വിമര്‍ശിച്ച് പ്രസംഗിക്കവേയാണ് മോദി വിവാദവാക്ക് പുറത്തെടുത്തത്. പരാജയഭീതിയിലായ പ്രതിപക്ഷനേതാക്കള്‍ ഹിന്ദുമേഖലകളില്‍നിന്ന് ഒളിച്ചോടുകയാണെന്ന് മോദി തുറന്നടിച്ചു. ഹിന്ദുവിഭാഗത്തെ ഭീകരവാദികളായി ചിത്രീകരിച്ച കോണ്‍ഗ്രസുകാര്‍, അതിന്റെ ഫലമാണ് നേരിടുന്നതെന്നും അദ്ദേഹംപറഞ്ഞു.

രാഹുല്‍ഗാന്ധിയുടെ വയനാട് സ്ഥാനാര്‍ഥിത്വത്തെ ബിജെപി രാഷ്ട്രീയമായി കൂടുതല്‍ഉപയോഗിക്കുമെന്ന വ്യക്തമായ സൂചനയാണ് മോദിയുടെ വാക്കുകളില്‍. കോണ്‍ഗ്രസ് എന്നും ഹിന്ദുവിഭാഗത്തിന് എതിരായിരുന്നുവെന്ന് പറഞ്ഞമോദി, ഹിന്ദുമേഖലകളില്‍നിന്ന് പ്രതിപക്ഷനേതാക്കള്‍ ഒളിച്ചോടുകയാണെന്ന് തുറന്നടിച്ചു. ഹിന്ദുക്കളെ ഭീകരവാദികളായി ചിത്രീകരിച്ചിരുന്ന അവര്‍, അതിന്റെ ഫലമാണിപ്പോള്‍ അനുഭവിക്കുന്നത്.