മോദിയാരാ മോന്... ഗുഹാവാസം കഴിഞ്ഞ് പുറത്തിറങ്ങിയ മോദിയോട് ചാനലുകാര് ചോദിച്ചത് ദൈവത്തോട് എന്ത് ആവശ്യപ്പെട്ടന്നാണ്; തന്റെ സന്ദര്ശന രഹസ്യം വെളിപ്പെടുത്തി മോദി
കേദാര്നാഥിലെ ധ്യാനവും ക്ഷേത്ര സന്ദര്ശനവും പൂര്ത്തിയാക്കി പ്രധാനമന്ത്രി നരേന്ദ്ര മോദി ബദരിനാഥിലേക്ക് പുറപ്പെട്ടു. അതിനിടെ ചാനലുകാര് മോദിയോട് ചോദിച്ചത് ദൈവത്തോട് എന്ത് ആവശ്യപ്പെട്ടന്നാണ്. എന്നാല് പുണ്യഭൂമിയില് ദര്ശനം നടത്താന് സാധിച്ചത് മഹാഭാഗ്യമായി കരുതുന്നുവെന്നാണ് മോദി പറഞ്ഞത്. തനിക്കുവേണ്ടി ദൈവത്തോട് ഒന്നും ആവശ്യപ്പെട്ടിട്ടില്ല. രാജ്യത്തിന് സന്പല്സമൃദ്ധിയുണ്ടാകട്ടെയെന്നും കേഥാര്നാഥില്വച്ച് മാധമങ്ങളോട് മോദി പറഞ്ഞു.
കേദാര്നാഥിലെ വികസനം പ്രകൃതിക്ക് അനുയോജ്യമായ രീതിയില് പൂര്ത്തിയാക്കും. ഇതിനായി മാസ്റ്റര് പ്ലാന് തയാറാക്കുമെന്നും മോദി വ്യക്തമാക്കി. അതേസമയം, തെര. കമ്മീഷന്റെ നിയന്ത്രണമുള്ളതിനാല് തെരഞ്ഞെടുപ്പുമായി ബന്ധപ്പെട്ട ചോദ്യങ്ങളോട് മോദി പ്രതികരിച്ചില്ല. കഴിഞ്ഞ ദിവസം കേദാര്നാഥ് ഗുഹയ്ക്കുള്ളില് ധ്യാനമിരിക്കുന്ന മോദിയുടെ ചിത്രം എഎന്ഐ പുറത്തുവിട്ടിരുന്നു.
നേരത്തെ കേദാര്നാഥില് ഒരു മണിക്കൂര് ധ്യാനം എന്നായിരുന്നു അറിയിപ്പ് വന്നത്. പിന്നീട് തീരുമാനം മാറ്റുകയായിരുന്നു. സമുദ്രനിരപ്പില് നിന്ന് 12200 അടി മുകളിലാണ് രുദ്ര ഗുഹ. മോദിയുടെ ധ്യാനത്തിനായി പരിസരം മുഴുവന് കനത്ത സുരക്ഷയായിരുന്നു ഏര്പ്പെടുത്തിയിരുന്നത്. പരമ്പരാഗത പഹാഡി വസ്ത്രമണിഞ്ഞ്, രോമക്കമ്പിളി പുതച്ച് കേദാര്നാഥ് ക്ഷേത്രത്തില് ദര്ശനം നടത്തിയ ശേഷമാണ് മോദി രുദ്ര ഗുഹയിലെത്തി ധ്യാനം ആരഭിച്ചത്.
ഔദ്യോഗികാവശ്യത്തിനുള്ള യാത്രയെന്ന് അറിയിച്ചതിനാലാണ് തെരഞ്ഞെടുപ്പ് കമ്മീഷന്, പെരുമാറ്റ ചട്ടം നിലനില്ക്കുന്ന സമയത്ത് പ്രധാനമന്ത്രിക്ക് കേദാര്നാഥിലേക്കുള്ള യാത്രാമുമതി നല്കിയത്. മോദിയുടെ പ്രത്യേക താത്പര്യപ്രകാരമാണ് രുദ്രാ ഗുഹ നിര്മ്മിച്ചത്. വെട്ടുകല്ലുകള് കൊണ്ട് നിര്മ്മിച്ച ഗുഹയ്ക്ക് ഏട്ടര ലക്ഷം രൂപ ചെലവായി.
പതിനേഴാം ലോക്സഭാ തെരഞ്ഞെടുപ്പുമായി ബന്ധപ്പെട്ട എല്ലാ പ്രചാരണവും പൂര്ത്തിയായ വേളയിലാണ് അദ്ദേഹത്തിന്റെ ദര്ശനം നടന്നത്. പ്രളയത്തില് തകര്ന്ന ഈ മേഖലയിലെ പുനര് നിര്മ്മാണ പ്രവര്ത്തനങ്ങള് പ്രധാനമന്ത്രി വിലയിരുത്തി.
കനത്ത മഞ്ഞു വീഴ്ചയുള്ളതിനാല് പ്രധാനമന്ത്രിയുടെ സുരക്ഷാ ചുമതലയുള്ളെ എസ്പിജി സംഘം നേരത്തെ തന്നെ കേദാര്നാഥിലെത്തി സുരക്ഷാ പരിശോധനകള് പൂര്ത്തിയാക്കിയിരുന്നു. രാവിലെ ഒന്പതരയോടെ പ്രധാനമന്ത്രിയുടെ ഹെലികോപ്റ്റര് കേദാര്നാഥില് പറന്നിറങ്ങി. തുടര്ന്ന് ക്ഷേത്ര ദര്ശനം നടത്തിയ നരേന്ദ്രമോദി പൂജാ കര്മ്മങ്ങളിലും പങ്കെടുത്തു.
ഊഷ്മളമായ സ്വീകരണമാണ് നരേന്ദ്രമോദിക്ക് കേദാര്നാഥില് ലഭിച്ചത്. പ്രധാനമന്ത്രി ആയ ശേഷം ഇത് നാലാം തവണയാണ് മോദി ഉത്തരാഖണ്ഡിലെ തീര്ത്ഥാടന കേന്ദ്രമായ കേദാര്നാഥിലെത്തുന്നത്. പതിനേഴാം ലോക്സഭാ തെരഞ്ഞെടുപ്പിന്റെ പ്രചാരണ പ്രവര്ത്തനങ്ങള് പൂര്ത്തിയാക്കിയാണ് പ്രധാനമന്ത്രി കേദാര്നാഥ് ക്ഷേത്രത്തില് ദര്ശനത്തിനെത്തിയത്.
ഇന്ന് ലോക്സഭാ തെരഞ്ഞെടുപ്പിന്റെ അവസാനഘട്ട തെരഞ്ഞെടുപ്പ് നടക്കുമ്പോള് മോദി ബദരീനാഥ് ക്ഷേത്രത്തിലും ദര്ശനം നടത്തുന്നുണ്ട്.
https://www.facebook.com/Malayalivartha