കപ്പിന് പകരം പാഡഡ് ബ്രാ; ഇന്ത്യന് വിങ് കമാന്ഡര് അഭിനന്ദന് വര്ദ്ധമാനെ അപമാനിച്ച് പരസ്യ വീഡിയോ ഇറക്കിയ പാകിസ്താന് വ്യത്യസ്ത രീതിയില് മറുപടി നല്കി ബോളിവുഡ് താരം പൂനം പാണ്ഡെ
ഇന്ത്യന് വിങ് കമാന്ഡര് അഭിനന്ദന് വര്ദ്ധമാനെ അപമാനിച്ച് പരസ്യ വീഡിയോ ഇറക്കിയ പാകിസ്താന് വ്യത്യസ്ത രീതിയില് മറുപടി നല്കി ബോളിവുഡ് താരം പൂനം പാണ്ഡെ. പാക്കിസ്ഥാന് ടീ കപ്പുകൊണ്ട് തൃപ്തരാവേണ്ട നിങ്ങള്ക്ക് ഞാന് ഡി കപ്പു തരാം എന്ന് പറഞ്ഞാണ് പൂനം ഇന്സ്റ്റഗ്രാമില് വീഡിയോ പോസ്റ്റ് ചെയ്തിരിക്കുന്നത്.
ബലാക്കോട്ട് വ്യോമാക്രമണത്തിനിടെ പാകിസ്താന്റെ പിടിയിലായി മൂന്ന് ദിവസത്തിനു ശേഷമാണ് അഭിനന്ദന് വര്ദ്ധമാനെ മോചിപ്പിച്ചത്. ഇന്നലെയാണ് വാട്സ് ആപ്പില് ഈ പരസ്യം കണ്ടതെന്നും ഒരു യുദ്ധവീരനെ ഇങ്ങനെ അവഹേളിക്കുന്നത് ശരിയല്ലെന്നും പറഞ്ഞാണ് പൂനം ഡി കപ്പ് നല്കാമെന്നും നിങ്ങള്ക്കിതില് ചായ കുടിക്കാമെന്നും പറയുന്നത്.
തന്റെ മൊബൈലില് അഭിനന്ദനെ പരിഹസിച്ചുകൊണ്ടുള്ള ജാസ് ടിവിയുടെ പരസ്യം പ്ലേ ചെയ്തതിന് ശേഷമായിരുന്നു പൂനം പാണ്ഡേയുടെ മറുപടി. ”ഇന്നലെയാണ് ഞാന് ഈ പരസ്യം കണ്ടത്. ഹേ പാക്കിസ്ഥാന് ഒരു വാര് ഹീറോയെ ഇങ്ങനെ അവഹേളിക്കുന്നത് ശരിയല്ല. നിങ്ങള് ടീ കപ്പുകൊണ്ട് എന്തിന് തൃപ്തരാവണം. നിങ്ങള് അര്ഹിക്കുന്ന കപ്പ് ഇതാണ്… ഡീ കപ്പ് …ഡബിള് ഡീകപ്പ്. നിങ്ങള്ക്ക് ഇതില് ചായയും കുടിക്കാം”- എന്ന് പറഞ്ഞ ശേഷം പാഡ്ഡഡ് ബ്രാ ഊരി നല്കുകയായിരുന്നു പൂനം പാണ്ഡെ. വീഡിയോ ഇതിനോടകം തരംഗം സൃഷ്ടിച്ച് കഴിഞ്ഞു.
ജൂണ് 16ന് നടക്കുന്ന ഇന്ത്യ-പാകിസ്താന് ക്ലാസിക് പോരാട്ടത്തിന് മുന്നോടിയായായിരുന്നു ടിവി ചാനല് പരസ്യം ഇറക്കിയത്. അഭിനന്ദന് വര്ദ്ധമാന്റെ സവിശേഷ മീശയും രൂപ സാദൃശ്യവുമുള്ള ആള് നീല ജഴ്സിയിട്ട് കൈയ്യില് ചായകപ്പുമായി ക്യാമറക്ക് മുന്നില് സംസാരിക്കുന്നതായിരുന്നു പരസ്യം. പാകിസ്താന് സൈന്യത്തിന്റെ ചോദ്യം ചെയ്യലിനിടെ പുറത്തുവിട്ട വീഡിയോക്ക് സമാനമായാണ് പരസ്യവും നിര്മ്മിച്ചിരിക്കുന്നത്.
ടോസ് നേടിയാല് ഇന്ത്യയുടെ പ്ലയിംഗ് ഇലവനെയും കളി തന്ത്രങ്ങളെയും കുറിച്ച് ചോദിക്കുമ്ബോള് അയാം സോറി, അക്കാര്യം പറയാന് എനിക്ക് അനുമതിയില്ലെന്ന് മറുപടി പറയുന്നു. ചോദ്യം ചെയ്യലിനിടയില് അഭിനന്ദന് പറഞ്ഞതും ഇതേ ഉത്തരമായിരുന്നു. ഒടുവില് ചായ എങ്ങനെയുണ്ടെന്ന ചോദ്യത്തിന് ചായ നല്ലതായിരുന്നെന്നും അഭിനേതാവ് ഉത്തരം പറയുന്നു. എങ്കില് നിങ്ങള്ക്ക് പോകാമെന്ന് പറയുമ്ബോള് കപ്പുമായി എഴുന്നേല്ക്കുന്ന ഇദ്ദേഹത്തോട് കപ്പും കൊണ്ട് എവിടേക്കാണ് പോകുന്നതെന്ന് ചോദിച്ച്, കപ്പ് ഇവിടെ വെച്ചിട്ട് പോകൂ എന്ന് ഹാഷ് ടാഗ് ഇട്ടുകൊണ്ടായിരുന്നു പരസ്യം അവസാനിക്കുന്നത്. പരസ്യം പുറത്ത് വന്നതിനു പിന്നാലെ വ്യാപക പ്രതിഷേധമാണ് ഉയര്ന്നത്.
https://www.facebook.com/Malayalivartha