നിയമസഭാ തെരഞ്ഞെടുപ്പ് പെരുമാറ്റച്ചട്ടം പിൻവലിച്ചാലുടൻ പാൽവില കൂട്ടണമെന്ന് മിൽമ. ലിറ്ററിന് നാലുരൂപ വർധിപ്പിക്കണമെന്ന ശുപാർശയ്ക്ക് അംഗീകാരം തേടി മിൽമ ചെയർമാൻ കെഎസ് മണി മന്ത്രി ജെ ചിഞ്ചു റാണിയെ ഇന്ന് വീണ്ടും കാണും. മെയ് ആറ് വരെയാണ് പെരുമാറ്റച്ചട്ടം നിലവിൽ ഉള്ളത്.

നിലപാട് ഇതുവരെ സർക്കാർ വ്യക്തമാക്കിയിട്ടില്ല. കഴിഞ്ഞ വർഷം നവംബർ മുതൽ പാൽവില വർധന മിൽമ ആവശ്യപ്പെടുന്നുണ്ട്. അന്ന് തദ്ദേശതെരഞ്ഞെടുപ്പ് അടുത്ത സാഹചര്യത്തിൽ നീട്ടിവച്ച തീരുമാനം തെരഞ്ഞെടുപ്പ് ഫലത്തിലെ തിരിച്ചടി മൂലം വീണ്ടും നീട്ടുകയായിരുന്നു

പിന്നാലെ നിയമസഭാ തെരഞ്ഞടുപ്പ് വന്നതോടെ തിരിച്ചടി ഉണ്ടാകുമെന്ന് കരുതി മിൽമയുടെ ശുപാർശയ്ക്ക് സർക്കാർ അംഗീകാരം നൽകിയില്ല.

പെരുമാറ്റച്ചട്ടം നിലവിൽ വരുന്നതിന് മുൻപ് വിഷയത്തിൽ തീരുമാനമെടുക്കണമെന്ന് മിൽമ ആവർത്തിച്ചാവശ്യപ്പെട്ടെങ്കിലും സർക്കാർ അനുകൂല നിലപാട് എടുക്കാൻ തയ്യാറായിട്ടില്ല.