വിഷു, മേടമാസ പൂജകൾ പൂർത്തിയാക്കി ശബരിമല ക്ഷേത്ര നട ഇന്ന് രാത്രി 10 മണിക്ക് അടയ്ക്കും. ശനിയാഴ്ച സഹസ്ര കലശാഭിഷേകം ഉണ്ടാകും. വൈകുന്നേരം പടിപൂജയും നടക്കും. മാസപൂജയുടെ അവസാന നാളുകളിലും ഇത്തവണ തിരക്ക് കൂടുതലായിരുന്നു. മിക്ക ദിവസങ്ങളിലും ശരാശരി 30,000 പേർ ദർശനത്തിനെത്തി.

പമ്പാ നദിയിൽ വെള്ളം കുറഞ്ഞത് തീർഥാടകരെ അലട്ടുന്നുണ്ട്. ജലസംഭരണികളിൽ വെള്ളം കുറവായതിനാൽ ഡാം തുറന്നുവിടാനും കഴിഞ്ഞിരുന്നില്ല. നദി മലിനമാകുന്നുമുണ്ട്. ഇടവമാസ പൂജകൾക്കായി മെയ് 14നു വൈകുന്നേരം അഞ്ചിനു നട തുറക്കുന്നതാണ്.