ഡ്യൂട്ടിക്കിടെ നവജാതശിശുക്കളുടെ തീവ്രപരിചരണ വിഭാഗത്തില്‍ വെച്ച് ആടിപ്പാടി നഴ്സുമാരുടെ ടിക് ടോക് വീഡിയോ അതിരു കടന്നു; ചികിത്സയില്‍ കഴിയുന്ന കുട്ടികളെ ചുംബിച്ചും ഡാൻസ് ചെയ്യിപ്പിച്ചും നഴ്സുമാരുടെ ലീലാവിലാസം ഏറ്റെടുത്ത് സോഷ്യൽമീഡിയ...
അതീവ ഗുരുതരാവസ്ഥയിലുളള നവജാത ശിശുക്കളെ ചികിത്സിക്കുന്ന യൂണിറ്റിലാണ് നഴ്സുമാരുടെ ആട്ടവും പാട്ടും നടന്നത്. ശിശുമരണനിരക്കില്‍ ഏറെ മുന്നിലുളള സ്ഥലമാണ് മാല്‍ക്കാങ്കിരി. സംഭവത്തില്‍ ജില്ലാ ചീഫ് മെഡിക്കല്‍ ഓഫീസര്‍ അന്വേഷണം പ്രഖ്യാപിച്ചിട്ടുണ്ട്. നടന്നത് ദൗര്‍ഭാഗ്യകരമായ സംഭവമായിപ്പോയെന്ന് മെഡിക്കല്‍ ഓഫീസര്‍ പ്രതികരിച്ചു. ആശുപത്രിയിലിരുന്ന് ഡ്യൂട്ടിക്കിടെ ടിക് ടോക് വീഡിയോ ചിത്രീകരിച്ച നഴ്‌സുമാര്‍ക്ക് കിട്ടിയത് മുട്ടന്‍ പണി. ഇവര്‍ക്ക് കാരണംകാണിക്കല്‍ നോട്ടീസ് അയച്ചിരിക്കുകയാണ് ജില്ല മെഡിക്കല്‍ ഓഫീസര്‍. നഴ്സുമാരുടെ വീഡിയോ വൈറലായതോടെ പലരും രൂക്ഷപ്രതികരണവുമായി രംഗത്തെത്തിയിരുന്നു. ഇതോടെയാണ് ഒഡീസയിലെ മാല്‍ക്കാഗിരി ജില്ലാ ആശുപത്രിയിലെ നഴ്‌സുമാര്‍ക്കെതിരെയാണ് ആരോഗ്യവകുപ്പിന്റെ നടപടി. സംഭവത്തില്‍ അന്വേഷണം ആരംഭിച്ചുവെന്നും റിപ്പോര്‍ട്ട് ഉടന്‍ തന്നെ നല്‍കുമെന്നും ആശുപത്രി ഓഫീസര്‍ ഇന്‍-ചാര്‍ജ് തപന്‍ കുമാര്‍ ഡിന്‍ഡയും അറിയിച്ചു.
നഴ്സുമാരുടെ ടിക് ടോക് വീഡിയോ വൈറലായതോടെയാണ് നടപടി ഉണ്ടാകുന്നത്. ജില്ലാ ആശുപത്രിയിലെ നവജാതശിശുക്കളുടെ പ്രത്യേകപരിചരണ വിഭാഗത്തില്‍വെച്ചാണ് നഴ്സുമാര്‍ ടിക് ടോക് വീഡിയോ ചിത്രീകരിച്ചത്. നഴ്സുമാര്‍ പാട്ടുപാടുന്നതും നൃത്തം ചെയ്യുന്നതും ദൃശ്യങ്ങളിലുണ്ട്. തീവ്രപരിചരണ വിഭാഗത്തില്‍ ചികിത്സയില്‍ കഴിയുന്ന കുട്ടികളെയും വീഡിയോയില്‍ വ്യക്തമായി കാണാം.
https://www.facebook.com/Malayalivartha
