ടോൾ ജീവനക്കാരുടെ മൂക്കിൽ ഇടിച്ചും കാറിടിപ്പിച്ചും ഡ്രൈവർമാരുടെ അതിക്രമം; സുരക്ഷയില്ലാതെ ജീവൻ പണയംവച്ചുള്ള ജോലിയിൽ മനംമടുത്ത് ടോൾ ഉദ്യോഗസ്ഥർ
ഇന്ത്യയുടെ തലസ്ഥാന നഗരിയിൽ ജോലി ചെയ്യാനാവാതെ ടോൾ ജീവനക്കാർ. യാത്രക്കാരുടെ അഹങ്കാരം നിറഞ്ഞ പ്രവർത്തികൾക്ക് മുന്നിൽ ജീവൻ പണയം വച്ചാണ് ടോൾ ജീവനക്കാർ പണി എടുക്കുന്നത്. കഴിഞ്ഞ ദിവസങ്ങളിൽ നടന്ന രണ്ടു സംഭവങ്ങൾ ഈ ആരോപണത്തെ ശരി വയ്ക്കുകയാണ്.
ടോൾ ബൂത്തിനുള്ളിൽ ടോൾ നൽകാൻ ഇരിക്കുന്ന യുവതിയെ കടന്നു പിടിക്കാൻ ശ്രമിക്കുന്നതും മൂക്കിൽ ഇടിക്കുന്നതുമായ ദൃശ്യങ്ങൾ കഴിഞ്ഞ ദിവസങ്ങളിൽ സോഷ്യൽ മീഡിയ വഴി പ്രചരിച്ചിരുന്നു. ടോൾ നൽകാൻ താമസിച്ചതിനാലാണ് ഈ പരാക്രമം. മൂക്കിൽ ഇടി കൊണ്ട യുവതി കുനിഞ്ഞിരുന്നു കരയുന്നതും ദൃശ്യങ്ങളിൽ നിന്നും വ്യക്തമാണ്. ഇതിനു പിന്നാലെയാണ് മറ്റൊരു ടോൾ ഉദ്യോഗസ്ഥനെ കാറിൻറെ ബോണറ്റിൽ കയറ്റി മുന്നോട്ടു പോകുന്ന ദൃശ്യങ്ങൾ പുറത്തു വരുന്നത്. ബോണറ്റിൽ വെള്ള ഷർട്ടും കറുത്ത പാന്റും ധരിച്ച വ്യക്തിയുമായി കാർ മുന്നോട്ടു പായുന്നതും കാർ നിർത്തി ബോണറ്റിലെ ആൾ ഇറങ്ങിയ ശേഷം വീണ്ടും മുന്നോട്ടു പോകുന്നതുമായ ദൃശ്യങ്ങളാണ് അതിൽ കാണുന്നത്. ഉദ്യോഗസ്ഥൻ കാറിനെ തടയാൻ ശ്രമിക്കുന്നതും മറ്റുള്ളവർ പിന്നാലെ ഓടിയെത്തി അദ്ദേഹത്തെ കൂട്ടികൊണ്ടുപോകാൻ ശ്രമിക്കുന്നുമുണ്ട്. ടോൾ നൽകാതെ പോയ കാറിനെ തടയാൻ ശ്രമിക്കവെയാണ് ഈ അതിക്രമം. സിസിടിവി ദൃശ്യങ്ങളുടെ സഹായത്തോടെ ഡ്രൈവറെ പോലീസ് പിടികൂടി.
ഗുരുഗ്രാമിലെ ഖെർകി ദൗല എന്നിടത്തെ ടോൾ പ്ലാസയിലാണ് അടുപ്പിച്ച ദിനങ്ങളിലായി ടോൾ ജീവനക്കാർക്കെതിരെ ഇത്തരത്തിലുള്ള ക്രൂരതകൾ നടന്നിരിക്കുന്നത്ടോൾ ജീവനക്കാർക്ക് സുരക്ഷ ഇല്ലെന്ന ആരോപണങ്ങൾ ഉയരുന്നുണ്ട്.
https://www.facebook.com/Malayalivartha