വിവാഹിതനാണെന്ന കാര്യം മറച്ചു തന്നെ ഒരു നടൻ പീഡിപ്പിച്ചു എന്ന പരാതിയുമായി നടി രംഗത്ത്. മുൻ കാമുകൻ കൂടിയായ ഇയാൾ തന്നെ നിർബന്ധിച്ചു ലൈംഗീകമായി പീഡിപ്പിച്ചുവെന്നാണ്‌ നടി ഉയർത്തുന്ന ആരോപണം. 2017 ൽ ഒരു ഷൂട്ടിങ്ങിനു വച്ച് പരിചയപ്പെട്ടതാണ് ഈ നടനെ. താൻ വിവാഹിതനാണെന്ന കാര്യം മറച്ചുവച്ച് പ്രണയബന്ധത്തിൽ ഏർപ്പെട്ടു. പിന്നാലെ നിർബന്ധിച്ചു ശാരീരിക ബന്ധം നടത്തി എന്നും പരാതിയിൽ പറയുന്നു.

പ്രണയത്തിലായിരുന്ന സമയം മറ്റ് നടന്മാരോടൊപ്പം അഭിനയിക്കരുതെന്നും സുഹൃത്തുക്കളോട് സൗഹൃദം അവസാനിപ്പിക്കണമെന്നും ഇയാൾ നിർബന്ധിച്ചതായും ഉത്തർപ്രദേശിലെ നോയ്‌ഡ സ്വദേശിയായ നടി വെളിപ്പെടുത്തുന്നു. നടിയുടെ പരാതിയുടെ അടിസ്ഥാനത്തിൽ ഇന്ത്യൻ ശിക്ഷാ നിയമത്തിലെ 376(2) (n), 323, 504,506 വകുപ്പുകൾ പ്രകാരം മുംബൈ പൊലീസ് കേസെടുത്തു. നടൻ ഇപ്പോൾ മുംബൈയിലില്ലെന്നും അദ്ദേഹത്തിനായി തിരച്ചിൽ നടത്തുകയാണെന്നും പൊലീസ് ഉദ്യോഗസ്ഥർ മാധ്യമങ്ങളോട് പറഞ്ഞു.