ക്രിക്കറ്റ് ആരാധകരെ ആവേശത്തിൻെറ മുൾമുനയിൽ നിർത്തിയ ഒരു ലോകകപ്പ് ഫൈനലാണ് കടന്ന് പോയത് . ഇംഗ്ലണ്ട് ലോകകപ്പ് അവസാനിച്ചതിന് പിന്നാലെ 2023ലെ ലോകകപ്പ് വേദി പ്രഖ്യാപിച്ച് ഐസിസി ..ക്രിക്കറ്റ് പ്രേമികളുടെ നാടായ ഇന്ത്യയിലാകും അടുത്ത ലോകകപ്പ്. ഇന്ത്യൻ ജനതയുടെ മനസ്സിൽ ക്രിക്കറ്റ് എന്നും ഒരാവേശമായി നിലകൊള്ളുന്ന ഒന്നാണ് .

2023ൽ നടക്കുന്ന ലോകകപ്പ് പൂർണമായും ഇന്ത്യയിലാകും. 1987ൽ ഇന്ത്യയും പാകിസ്ഥാനും 1996ൽ ഇന്ത്യയും ശ്രീലങ്കയും പാകിസ്ഥാനും 2011ൽ ഇന്ത്യയും ശ്രീലങ്കയും ബംഗ്ലാദേശും സംയുക്തമായാണ് ലോകകപ്പ് ആതിഥേയരായത്
2021ല്‍ നടക്കുന്ന ചാമ്പ്യന്‍സ് ട്രോഫിക്കും ഇന്ത്യ വേദിയാകും. ചാമ്പ്യന്‍സ് ട്രോഫിക്കും ലോകകപ്പിനും പുറമെ അഫ്ഗാനിസ്ഥാന്റെ ടെസ്റ്റ് മത്സരവും ഇന്ത്യയിലാണ് നടക്കുക.

ടെസ്റ്റ് പദവി നേടിയ ശേഷമുള്ള അഫ്ഗാന്റെ ആദ്യ ടെസ്റ്റ് മത്സരമാണിത്. ഓസ്ട്രേലിയയുമായിട്ടായിരുന്നു അഫ്ഗാന്റെ ആദ്യ ടെസ്റ്റ് നടക്കേണ്ടിയിരുന്നത്. എന്നാല്‍ ഇന്ത്യയുമായുള്ള അഫ്ഗാന്റെ ചരിത്രപരമായ ബന്ധം കണക്കിലെടുത്ത് അഫ്ഗാന് ആദ്യ ടെസ്റ്റ് വേദിയൊരുക്കാന്‍ ഇന്ത്യ മുന്നോട്ടുവരികയായിരുന്നു

ഇന്ത്യ ഒറ്റയ്‌ക്ക് ആതിഥേയത്വം വഹിക്കുന്ന ലോകകപ്പാകും 2023 ലേത് . 2023 ഫെബ്രുവരി 9 മുതൽ മാർച്ച് 26 വരെയാകും ഈ ലോകകപ്പിലെ മത്സരങ്ങൾ . 10 ടീമുകളാകും ലോകകപ്പില്‍ മത്സരിക്കുക.

2019 ലോകകപ്പിന്റെ അതേ ഫോർമാറ്റിൽ തന്നെ 2023 ലോകകപ്പും നടത്താനാണ് ഐസിസി പദ്ധതിയിട്ടിരിക്കുന്നത്. റാങ്കിംഗിൽ ആദ്യ ഏഴ് സ്ഥാനങ്ങളിലുള്ള ടീമുകൾ ലോകകപ്പിന് യോഗ്യത നേടും. ഇവർക്കൊപ്പം ക്വാളിഫയർ മത്സരങ്ങളുടെ ഫൈനലിലെത്തുന്ന രണ്ട് ടീമുകളും ലോകകപ്പിനെത്തും. ആതിഥേയരായ ഇന്ത്യ ലോകകപ്പിന് നേരിട്ട് യോഗ്യത നേടും

ഇക്കഴിഞ്ഞ ലോകകപ്പിൽ ഇംഗ്ലണ്ട് വളരെ അനായാസമായി ലോകകപ്പ് ഫൈനലിൽ കടന്നു. 44 വർഷത്തെ കാത്തിരിപ്പിനു ശേഷം ക്രിക്കറ്റ് ലോകകപ്പ് ഇംഗ്ലണ്ടിന്റെ കയ്യിലെത്തി . 1975ലെ കന്നി ലോകകപ്പ് ഫൈനലിൽ, ഇതേ ലോഡ്സ് മൈതാനത്താണ് ഇംഗ്ലണ്ടിന് കപ്പ് വഴുതിപ്പോയത്. ജയപരാജയങ്ങൾ പലവട്ടം മാറി മറിഞ്ഞ മത്സരത്തിൽ ബെൻ സ്റ്റോക്സിന്റെ നിശ്ചയദാർഢ്യമാണ് ഇംഗ്ലണ്ടിനെ രക്ഷിച്ചെടുത്തത്.

49 ഓവറില്‍ ട്രെന്‍ഡ് ബോള്‍ട്ടിന് ബൗണ്ടറി ലൈനില്‍ പറ്റിയ പിഴവാണ് ഇംഗ്ലണ്ടിന്‍റെ വിധി മാറ്റിയെഴുതിയത്. ബെന്‍ സ്റ്റോക്സിന്‍റെ ക്യാച്ച് കയ്യിലൊതുക്കുനനതില്‍ ബോള്‍ട്ടിന് പിഴച്ചു. അവിടുന്ന് ബെന്‍ സ്റ്റോക്സ് മല്‍സരം സമനിലയിലേക്ക് എത്തിക്കുകയും സൂപ്പര്‍ ഓവറില്‍ നാടകീയമായി ടീമിനെ ജയിപ്പിക്കകയും ചെയ്തു

1983 ലോകകപ്പില്‍ ക്രിക്കറ്റ് വിദഗ്ധരും ആരാധകരും ഒരു സാധ്യതയും കല്‍പ്പിക്കാതിരുന്നിട്ടും കപില്‍ദേവിന്റെ നേതൃത്വത്തില്‍ ഇന്ത്യ കിരീടം നേടിയത് ഇന്നും ആരാധകരെ ആവേശംകൊള്ളിക്കുന്നതാണ്.ഇന്ത്യയുടെ ആദ്യ ലോകകപ്പ് വിജയം ആയിരുന്നു ഇത് .