മോദി സര്ക്കാരിന്റെ ഈ തീരുമാനത്തെ അംഗീകരിക്കുന്നു; എല്ലാ പ്രശ്നങ്ങൾക്കും പരിഹാരമാകും; ജമ്മു കശ്മീരിന് പ്രത്യേക പദവി നല്കുന്ന ഭരണഘടനയുടെ 370ാം അനുച്ഛേദം റദ്ദാക്കിയ മോദി സർക്കാരിന്റെ നടപടിയെ പിന്തുണച്ചുകൊണ്ട് കശ്മീരി പെൺകുട്ടി
ഇക്കഴിഞ്ഞ തിങ്കളാഴ്ച്ചയാണ് ജമ്മു കശ്മീരിന് പ്രത്യേക പദവി നല്കുന്ന ഭരണഘടനയുടെ 370ാം അനുച്ഛേദം റദ്ദാക്കിയത്. ഇതിനെ തുടർന്ന് മോദി സർക്കാരിനെ പിന്തുണച്ചും വിമർശിച്ചും കൊണ്ടുള്ള അഭിപ്രായങ്ങളാണ് രാജ്യത്തിൻറെ പല ഭാഗങ്ങളിലും നിന്നായി കടന്നു വരുന്നത്. എന്നാലിപ്പോൾ കേന്ദ്ര സർക്കാരിന്റെ നടപടിയെ പിന്തുണച്ചുകൊണ്ട് കാശ്മീരി പെണ്കുട്ടി രംഗത്തെത്തിയിരിക്കുകയാണ്. ഒരു വിഡിയോയിലൂടെയാണ് പെൺകുട്ടി രംഗത്തെത്തിയിരിക്കുന്നത്. ബി.ജെ.പി ജനറല് സെക്രട്ടറി രാം മാധവാണ് കാശ്മീരി പെണ്കുട്ടി കേന്ദ്രസര്ക്കാര് തീരുമാനത്തെ അനുകൂലിക്കുന്ന വീഡിയോ തന്റെ ട്വിറ്ററില് പങ്കുവച്ചത്.
'അസ് ലാമു അലൈക്കും' എന്ന് പറഞ്ഞുകൊണ്ടാണ് യുവതി വീഡിയോയില് പ്രത്യക്ഷപ്പെടുന്നത്.
മോദി സര്ക്കാരിന്റെ ഈ തീരുമാനത്തെ അംഗീകരിക്കുന്നതായി പെണ്കുട്ടി വീഡിയോയില് പറയുന്നു. സര്ക്കാറിന്റെ ഈ തീരുമാനത്തിനെ തുടർന്ന് കശ്മീരിലെ പ്രശ്നങ്ങള്ക്ക് പരിഹാരം ആകുമെന്നും അതുപോലെ തന്നെ നല്ല വിദ്യാഭ്യാസ കേന്ദ്രങ്ങളും ജോലി സാദ്ധ്യതകളും ഇതിലൂടെ കശ്മീരില് ഉണ്ടാകുമെന്നും പെണ്കുട്ടി പറയുന്നു.
ഈ വീഡിയോ സോഷ്യല് മീഡിയയില് വ്യാപകമായി പ്രചരിച്ചിരുന്നു. എന്നാല്, വീഡിയോയിലുള്ള ഈ പെണ്കുട്ടി കശ്മീരി മുസ്ലീം യുവതി അല്ലെന്നും വ്യാജയാണെന്നുമാണ് നിരവധി പേര് ട്വിറ്ററിലൂടെ പ്രതികരിച്ചു. കശ്മീരിലെ സോനാമര്ഗ് സ്വദേശിയാണ് യുവതിയെന്നും ദേശീയ മാദ്ധ്യമങ്ങള് റിപ്പോര്ട്ട് ചെയ്യുന്നു.
https://www.facebook.com/Malayalivartha