അടുത്തയാഴ്ച ചേരുന്ന യുഎൻ പൊതുസഭാ സമ്മേളനത്തിൽ കശ്മീർ പ്രശ്നവും സെക്രട്ടറി ജനറൽ അന്റോണിയോ ഗുട്ടെറസ് ഉന്നയിച്ചേക്കുമെന്ന് അദ്ദേഹത്തിന്റെ വക്താവ് സ്റ്റീഫൻ ഡുജാറിക് അറിയിച്ചു..

സെപ്റ്റംബർ 27ന് യുഎൻ പൊതുസഭാ സമ്മേളനത്തിൽ പ്രധാനമന്ത്രി നരേന്ദ്രമോദി പ്രസംഗിക്കും. അന്നേ ദിവസം തന്നെ പാക്കിസ്ഥാന്‍ പ്രധാനമന്ത്രി ഇമ്രാന്‍ ഖാനും പൊതുസഭയില്‍ പ്രസംഗിക്കും. കശ്മീർ വിഷയം എങ്ങിനെയെങ്കിലും അന്താരാഷ്ട്ര തലത്തിൽ ചർച്ചയാക്കണമെന്നാണ് ഇമ്രാൻ ആഗ്രഹിക്കുന്നത് ..അതിനാൽ തന്നെ പ്രസംഗത്തിൽ കശ്മീർ വിഷയം ഉന്നയിക്കുമെന്ന് പാക്ക് പ്രധാനമന്ത്രി ഇമ്രാൻ ഖാൻ വ്യക്തമാക്കിയിട്ടുണ്ട്.

അതേ സമയം കശ്മീർ വിഷയം യുഎൻ പൊതുസഭയിൽ ഉന്നയിക്കാൻ പാക്കിസ്ഥാൻ ശ്രമിച്ചാൽ അത് അവർക്കു തിരിച്ചടിയാകുമെന്ന് യുഎന്നിലെ ഇന്ത്യയുടെ അംബാസഡർ സയ്യിദ് അക്ബറുദ്ദീൻ അറിയിച്ചു..ഭീകരത പ്രോത്സാഹിപ്പിക്കുന്ന പാക്കിസ്ഥാൻ വിദ്വേഷ പ്രസംഗങ്ങളിലൂടെ മുതലെടുക്കാൻ ശ്രമിക്കുന്നതു നിർത്തുകയാവും നല്ലതെന്നും അദ്ദേഹം പറഞ്ഞു.

ഇന്ത്യ കഴിഞ്ഞ മാസം 5ന് കശ്മീരിന്റെ പ്രത്യേക പദവി എടുത്തുകളഞ്ഞിരുന്നു. അതിനുശേഷം പാകിസ്ഥാനും ഇന്ത്യയും ആയുള്ള നായത്തൻറെ ബന്ധം നാൾക്ക് നാൾ വഷളായിക്കൊണ്ടിരിക്കുകയാണ് . ഇപ്പോൾ പ്രധാനമന്ത്രിക്ക് യു എസിലേക്ക് പോകാനുള്ള വ്യോമ പാത പാകിസ്ഥാൻ നിഷേധിച്ചതും ഇതിന്റെ ഭാഗമായാണ്

ഇന്ത്യയും പാക്കിസ്ഥാനും തമ്മിലുള്ള ഈ ഉഭയകക്ഷി പ്രശ്നത്തിൽ യുഎന്നോ മറ്റ് ഏതെങ്കിലും കക്ഷിയോ മാധ്യസ്ഥ്യം വഹിക്കേണ്ടതില്ലെന്നും കശ്മീർ ഇന്ത്യയുടെ അവിഭാജ്യ ഘടകമാണെന്നുമുള്ള നിലപാടാണ് ഇന്ത്യയ്ക്ക്. പ്രശ്നം എങ്ങനെയും രാജ്യാന്തരവൽക്കരിക്കാൻ തിരുമാനിച്ചാണ് പാക്കിസ്ഥാനും പ്രവർത്തിക്കുന്നത്

പാകിസ്ഥാന്‍റെ കാശ്മീര്‍ മുന്‍നിര്‍ത്തിയുള്ള അന്താരാഷ്ട്ര ശ്രമങ്ങളെ സഹായിക്കുന്ന രീതിയില്‍ പ്രധാനമന്ത്രി മോദി കശ്മീര്‍ വിഷയം തന്‍റെ പ്രസംഗത്തില്‍ ഉന്നയിക്കില്ലെന്നാണ് വിവരം. കശ്മീര്‍ വിഷയം രാജ്യത്തിന്‍റെ ആഭ്യന്തര വിഷയമാണ് എന്ന ഇന്ത്യന്‍ നിലപാട് ഉയര്‍ത്തിപ്പിടിച്ചായിരിക്കും മോദിയുടെ പ്രസംഗം..

ഇന്ത്യയും പാക്കിസ്ഥാനും തമ്മിലുള്ള ചർച്ചയിലൂടെ മാത്രം പരിഹാരം കാണാവുന്ന പ്രശ്നമാണിതെന്ന് യുഎൻ കരുതുന്നുവെന്നും അതിനാവശ്യമായ സാഹചര്യം ഒരുക്കാൻ ശ്രമിക്കുമെന്നും യു എൻ വക്താവ് സ്റ്റീഫൻ ഡുജാറിക് പറഞ്ഞു .. കശ്മീരിൽ മനുഷ്യാവകാശങ്ങൾ ലംഘിക്കപ്പെടരുതെന്നും അത് ഉറപ്പുവരുത്താൻ അവിടുത്തെ ഭരണനേതൃത്വത്തിന് ഉത്തരവാദിത്തമുണ്ടെന്നും ഗുട്ടെറസ് കഴിഞ്ഞ ദിവസം പറഞ്ഞിരുന്നു

ഇന്ത്യയിൽ ഭീകരാക്രമണങ്ങൾക്കു സാമ്പത്തികസഹായം നൽകുന്നു എന്നതിന്റെ പേരിൽ പാക്കിസ്ഥാനെ യുഎൻ ഫിനാൻഷ്യൽ ആക്‌ഷൻ ടാസ്ക് ഫോഴ്സിന്റെ (എഫ്എടിഎഫ്) ഏഷ്യപസഫിക് ഗ്രൂപ്പ് (എപിജി) കരിമ്പട്ടികയിൽ പെടുത്തിയിരുന്നു

സെപ്റ്റംബര്‍ 24 മുതല്‍ 30 വരൊണ് പൊതുസഭ ചേരുന്നത്. സെപ്റ്റംബര്‍ 24 ന് അമേരിക്കന്‍ പ്രസിഡണ്ട് ഡൊണാള്‍ ട്രംപ് പൊതുസഭയില്‍ സംസാരിക്കും. ബ്രസീലിനു പിറകെ രണ്ടാമതായി അമേരിക്കന്‍ പ്രസിഡണ്ട് പൊതുസഭയില്‍ സംസാരിക്കുന്നതാണ് സെപ്റ്റംബര്‍ 24 മുതല്‍ 30 വരൊണ് പൊതുസഭ ചേരുന്നത്. സെപ്റ്റംബര്‍ 24 ന് അമേരിക്കന്‍ പ്രസിഡണ്ട് ഡൊണാള്‍ ട്രംപ് പൊതുസഭയില്‍ സംസാരിക്കും. ബ്രസീലിനു പിറകെ രണ്ടാമതായി അമേരിക്കന്‍ പ്രസിഡണ്ട് പൊതുസഭയില്‍ സംസാരിക്കുന്നതാണ് പതിവ് രീതി

പ്രധാനമന്ത്രി നരേന്ദ്ര മോദി ഈ മാസം 27 നാണ് യുഎന്‍ ജനറല്‍ അസംബ്ലിയെ അഭിസംബോധന ചെയ്യുന്നത് . പൊതുസഭയുടെ എഴുപത്തിനാലാമത് സമ്മേളനമാണിത് . രണ്ടാം തവണ അധികാരമേറ്റശേഷം ആദ്യമായാണ് അദ്ദേഹം യുഎന്‍ സഭയെ അഭിസംബോധന ചെയ്യാന്‍ ഒരുങ്ങുന്നത്

2014 ൽ ആദ്യമായി ഇന്ത്യന്‍ പ്രധാനമന്ത്രിയായ ഘട്ടത്തിലും യുഎന്‍ സഭയില്‍ മോദി സംസാരിച്ചിരുന്നു ..മോദിയുടെ പ്രസംഗത്തിന് ശേഷമാണ് പാക് പ്രധാനമന്ത്രി ഇമ്രാന്‍ ഖാൻ യുഎന്‍ പൊതുസഭയില്‍ സംസാരിക്കുന്നത്

ന്യൂയോര്‍ക്കില്‍ ഒരാഴ്ച്ച താമസിക്കുന്ന നരേന്ദ്ര മോദി ഉഭയ കക്ഷി, ബഹുമുഖ ഇടപെടലുകളുടെ ഒരു മുഖ്യ അജണ്ട നടപ്പിലാക്കുമെന്നും റിപ്പോർട്ടുകളുണ്ട് . 48 രാജ്യങ്ങളുടെ തലവന്മാരും 30 വിദേശ മന്ത്രിമാരും ന്യൂയോര്‍ക്കില്‍ നടക്കുന്ന പൊതു ചര്‍ച്ചയില്‍ പങ്കെടുക്കുമെന്നും സൂചനയുണ്ട്