സ്റ്റൈല് മന്നന് എവിടെ; രജനീകാന്ത് രാഷ്ട്രീയത്തെ ഗൗരവമായി തന്നെയാണോ കാണുന്നത് ?
തന്റെ ഏറ്റവും പുതിയ ചിത്രമായ 'ദര്ബാറി'ന്റെ ഷൂട്ടിംഗ് ജോലികള് അവസാനിപ്പിച്ച ശേഷം രജനീകാന്ത് വീണ്ടും ഹിമാലയത്തിലേക്ക് പുറപ്പെട്ടിരിക്കുകയാണ്. 10 ദിവസത്തേക്കാണ് തിരക്കുകള് അവഗണിച്ചുകൊണ്ടുള്ള രജനിയുടെ 'ആത്മീയ ഇടവേള' നീളുക. ഇതിനിടെ തന്നെ സണ് പിക്ചേഴ്സിന്റെ ബാനറില് കലാനിധി മാരന് സംവിധാനം ചെയ്യുന്ന പുതിയ ചിത്രത്തിനായി രജനി തന്റെ ഡേറ്റ് നല്കുകയും ചെയ്തിട്ടുണ്ട്.
എന്നാല് രജനിയുടെ ഹിമാലയത്തിലേക്കുള്ള തീര്ത്ഥാടനവും അടുത്ത സിനിമയ്ക്ക് അദ്ദേഹം ഡേറ്റ് നല്കിയതും രാഷ്ട്രീയ നിരീക്ഷകര്ക്കും എതിരാളികള്ക്കും ഇടയില് സംശയം ജനിപ്പിച്ചിട്ടുണ്ട്. രജനീകാന്ത് രാഷ്ട്രീയത്തെ ഗൗരവമായി തന്നെയാണോ കാണുന്നത് എന്നാണ് ഇവരുടെ പ്രധാന ചോദ്യം. 2017 ഡിസംബര് 31നാണ് തന്റെ രാഷ്ട്രീയ പ്രവേശനം സംബന്ധിച്ച് രജനീകാന്ത് ശക്തമായ സൂചന നല്കുന്നത്. 'ഇതൊരു യുദ്ധമാണെന്നും അതിനായി തയാറെടുത്തുകൊള്ളൂ എന്നുമാണ് തന്റെ ആരാധകര് ഉള്പ്പെട്ട വലിയൊരു ജനക്കൂട്ടത്തെ അഭിസംബോധന ചെയ്തുകൊണ്ട് രജനികാന്ത് അന്ന് പറഞ്ഞത്.
എന്നാല് അന്ന് മുതല്ക്കുള്ള കാലയളവില് അഞ്ച് ചിത്രങ്ങളിലാണ് രജനി അഭിനയിക്കുകയോ ഡേറ്റ് നല്കുകയോ ചെയ്തത്. 20 മാസത്തിനുളില് നടക്കുന്ന തമിഴ്നാട് നിയമസഭാ തിരഞ്ഞെടുപ്പില് തന്റെ പാര്ട്ടി മത്സരിക്കുമെന്നും രജനി അറിയിച്ചിട്ടുണ്ട്. എന്നാല് ഇക്കാര്യത്തില് യാതൊരു പുരോഗമനവും ഉണ്ടായിട്ടില്ല. തന്റെ അനൗദ്യോഗിക ആരാധക കൂട്ടായ്മയെ പരിവര്ത്തനം ചെയ്താണ് രജനീകാന്ത് 'രജനി മക്കള് മന്ട്രം' എന്ന ഒരു അസോസിയേഷന് രൂപീകരിച്ചത്. രജനിയുടെ രാഷ്ട്രീയ പാര്ട്ടി ഈ അസോസിയേഷനെ അടിസ്ഥാനമാക്കിയാകും രൂപീകരിക്കുക. പാര്ട്ടി രൂപീകരിക്കാനുള്ള നീക്കങ്ങള് 90 ശതമാനവും പൂര്ത്തിയായി എന്ന് രജനി പറയുന്നുണ്ടെങ്കിലും അക്കാര്യത്തില് ഇനിയും കാര്യമായ തീരുമാനങ്ങള് ഉണ്ടായിട്ടില്ല. ഇകാര്യങ്ങളൊക്കെ ചൂണ്ടിക്കാട്ടിയാണ് നിരീക്ഷികരും വിമര്ശകരും രജനിയുടെ രാഷ്ട്രീയ പ്രവേശനത്തെ സംശയിക്കുന്നത്.
https://www.facebook.com/Malayalivartha