മാതാവിനെ വീട്ടില്‍ നിന്നും ഇറക്കി വിട്ട മകന് കോടതി ശിക്ഷിച്ചു. ഫുജൈറ കോടതി ഒരു മാസത്തെ ജയില്‍ ശിക്ഷയാണ് വിധിച്ചിരിക്കുന്നത്. ഇറക്കി വിടുക മാത്രമല്ല അപമാനിക്കുകയും ചെയ്തു. വീട്ടിലിരിക്കുന്നതിനേക്കാള്‍ നൈറ്റ് ക്ലബ്ലില്‍ പോയി ഡാന്‍സ് ചെയ്യുന്നതാണെന്ന് അമ്മയോട് ഇയാൾ പറഞ്ഞു. അമ്മ പരാതിയുമായി കോടതിയെ സമീപിക്കുകയായിരുന്നു. 50,000 ദിര്‍ഹം പിഴ ചുമത്തണമെന്നാവശ്യം അമ്മ ഉന്നയിക്കുകയും ചെയ്തു. എന്നാല്‍ കുറ്റം ചെയ്തിട്ടില്ലെന്ന് മകന്‍ പറഞ്ഞു.

എന്നാല്‍ തന്റെ അച്ഛനും അമ്മയും തമ്മില്‍ ഫുജൈറ കുടുംബ കോടതിയില്‍ കേസ് നടക്കുകയാണെന്നും അതില്‍ താന്‍ അച്ഛന്റെ നിലപാടിനെ പിന്തുണച്ചതിനുള്ള പ്രതികാരമായാണ് അമ്മ പരാതി നല്‍തിയതെന്നുമായിരുന്നു മകൻ നൽകിയ മറുപടി. കുറ്റക്കാരനല്ലെന്ന് തെളിയിക്കാന്‍ രണ്ട് സാക്ഷികളെ ഹാജരാക്കാമെന്നും അതുവരെ കേസ് നീട്ടിവെയ്ക്കണമെന്നും ഇയാൾ ആവശ്യപ്പെടുകയുണ്ടായി. തന്നെ കുറ്റവിമുക്തനാക്കണമെന്നും ഇയാള്‍ കോടതിയില്‍ ആവശ്യപ്പെട്ടു. പക്ഷേ കോടതി ഇയാളെ ഒരു മാസത്തെ ജയില്‍ ശിക്ഷയ്ക്ക് വിധിച്ചു.