പശുക്കളെക്കാൾ പ്രാധാന്യം സ്ത്രീകൾക്ക് നല്കാൻ ആവശ്യപ്പെടും; വേദിയിൽ പൊട്ടിച്ചിരി പടർത്തി ആ പതിനെട്ടുകാരി
മിസ് കൊഹിമ 2019 വേദിയില്‍ പൊട്ടിച്ചിരി പടര്‍ത്തി പതിനെട്ടുകാരിയായ സുന്ദരിയാണ് ഇപ്പോൾ താരം. ഇന്ത്യയുടെ പ്രധാനമന്ത്രി നരേന്ദ്രമോദിയുമായി സംവദിക്കാന്‍ അവസരം ലഭിച്ചാല്‍ എന്ത് ചോദിക്കുമെന്ന ജഡ്ജിമാരുടെ ചോദ്യത്തിന് മത്സരാര്‍ത്ഥി നല്‍കിയ മറുപടിയാണ് വേദിയില്‍ ചിരി പടര്‍ത്തിയത് തന്നെ.
മോദിയുമായി സംവദിക്കാന്‍ അവസരം ലഭിച്ചാല്‍ പശുക്കളെക്കാളും കൂടുതല്‍ ശ്രദ്ധ സ്ത്രീകള്‍ക്ക് നല്‍കാന്‍ ആവശ്യപ്പെടുമെന്നായിരുന്നു മത്സരാര്‍ത്ഥിയുടെ ചിന്തിപ്പിക്കുന്നതും ഒപ്പം ചിരിപ്പിക്കുന്നതുമായ മറുപടി. മിസ് കൊഹിമ 2019ലെ റണ്ണറപ്പിന്റെ ചിരിപ്പിക്കുന്നതും ചിന്തിപ്പിക്കുന്നതുമായ മറുപടി സോഷ്യല്‍ മീഡിയയില്‍ കത്തികയറാന്‍ അധിക സമയം എടുത്തില്ല എന്നതും വ്യക്തം തന്നെ. അതോടൊപ്പം തന്നെ പെണ്‍കുട്ടിയുടെ മറുപടിയ്ക്ക് മികച്ച പ്രതികരണമാണ് സോഷ്യല്‍ മീഡിയ നല്‍കിയത്.
അതോടൊപ്പം തന്നെ രാജ്യത്തിന്‍റെ മറ്റ് ഭാഗങ്ങളില്‍ പശു സംരക്ഷണത്തിനായി ശക്തമായ നിലപാടുകള്‍ സ്വീകരിച്ച ബിജെപി വടക്കുകിഴക്കന്‍ സംസ്ഥാനങ്ങളില്‍ ബീഫ് സംബന്ധിയായിട്ടുള്ള നിലപാടുകൾ വ്യക്തമാക്കിയത്. ഇത് രാജ്യത്ത് സൃഷ്ടിച്ചത് വലിയ കോളിളക്കം തന്നെയാണ്. അതോടൊപ്പം ജീവഹാനി ഉണ്ടായവരും കുറവൊന്നുമില്ല.
https://www.facebook.com/Malayalivartha
