യുവതിയെ കത്തികൊണ്ട് കുത്തി കൊലപ്പെടുത്താന്‍ ശ്രമിച്ചു. മാത്രമല്ല ഫ്‌ളാറ്റിന്റെ എട്ടാം നിലയിലെ ബാല്‍ക്കണിയില്‍ നിന്നും ചാടി ആത്‌മഹത്യയും ചെയ്തു. നോയിഡയിലാണ് ഏവരെയും ഞെട്ടിച്ച സംഭവം നടന്നത്. വ്യാഴാഴ്ച വൈകീട്ടായിരുന്നു സംഭവം നടന്നത്. ആക്രമണത്തില്‍ ഗുരുതരമായി പരിക്കേറ്റ 21കാരിയെ സ്വകാര്യ ആശുപത്രിയില്‍ ഐസിയുവില്‍ പ്രവേശിപ്പിക്കുകയുണ്ടായി.

നോയിഡയിലെ സെക്ടര്‍ 61 ലെ രണ്ട് ടവറുകളിലായിട്ടാണ് ബിടെക് വിദ്യാര്‍ത്ഥിയായ യുവതിയും 15 വയസുകാരനും താമസിച്ചിരുന്നത്. വൈകിട്ട് പെൺകുട്ടിയുടെ ഫ്‌ളാറ്റില്‍ എത്തിയ ആണ്‍കുട്ടി അടുക്കളയില്‍ ഉപയോഗിക്കുന്ന കത്തിയെടുത്ത് ആക്രമിക്കുകയായിരുന്നുവെന്ന് യുവതി പോലീസിന് മൊഴി നൽകി. കുത്തിയ ശേഷം തന്നെ മുറിയില്‍ പൂട്ടിയിട്ടു. തന്റെ കരച്ചില്‍ കേട്ട് അയല്‍ക്കാര്‍ എത്തിയതോടെ 15കാരന്‍ ബാല്‍ക്കണിയില്‍ നിന്നും താഴേക്ക് ചാടുകയായിരുന്നുവെന്നും യുവതി പറയുകയുണ്ടായി. ഫോണ്‍ സന്ദേശം കിട്ടിയതോടെ സംഭവസ്ഥലത്തെത്തിയ പോലീസാണ് യുവതിയെ ആശുപത്രിയിലെത്തിച്ചത്. ആണ്‍കുട്ടിയുടെ മൃതദേഹം പോസ്റ്റ്‌മോര്‍ട്ടത്തിനായി കൊണ്ടുപോയി. കാരണം ഇതുവരെ വ്യക്തമല്ലെന്നും പ്രാഥമികാന്വേഷണം നടക്കുകയാണെന്നും പോലീസ് പറഞ്ഞു.