ജസ്റ്റിസ് ശരദ് അരവിന്ദ് ബോംബ്‌ഡെ പുതിയ സുപ്രീംകോടതി ചീഫ് ജസ്റ്റിസാകും. ബോംബ്‌ഡെയെ ചീഫ് ജസ്റ്റിസാക്കണമെന്ന് ആവശ്യപ്പെട്ട് രഞ്ജന്‍ ഗൊഗോയ് രാഷ്ട്രപതിക്ക് കത്തയച്ചു. ഗൊഗോയി കഴിഞ്ഞാല്‍ സുപ്രീംകോടതിയിലെ ഏറ്റവും സീനിയറായ ജഡ്ജിയാണ് എസ്.എ ബോംബ്‌ഡെ. എസ്.എ ബോംബ്‌ഡെ നേരത്തെ മധ്യപ്രദേശ് ചീഫ് ജസ്റ്റിസായി പ്രവര്‍ത്തിച്ചയാളാണ്.
മഹാരാഷ്ട്ര ലോ യൂനിവേഴ്‌സിറ്റി, മുംബൈ നാഷണല്‍ ലോ യൂനിവേഴ്‌സിറ്റി എന്നിവയുടെ ചാന്‍സലറായും അദ്ദേഹം പ്രവര്‍ത്തിച്ചിട്ടുണ്ട്. രണ്ട് വര്‍ഷം ബോംബ്‌ഡെക്ക് സുപ്രീംകോടതി ചീഫ് ജസ്റ്റിസായി പ്രവര്‍ത്തിക്കാം. 2018 ഒക്‌ടോബര്‍ മൂന്നിനാണ് സുപ്രീംകോടതിയുടെ 46ാമത്തെ ചീഫ് ജസ്റ്റിസായി രഞ്ജന്‍ ഗൊഗോയ് ചുമതലയേറ്റത്.