മഹാരാഷ്ട്ര സ്വദേശിയായ അഭിജിത്ത് രതന്‍ ഹജരേ ബുദ്ധ സ്തൂപത്തെ അപമാനിച്ചതിന് ഭൂട്ടാനില്‍ പിടിയിലായി. ദൊലൂച്ചയിലെ ബുദ്ധ സ്തൂപത്തിന് മുകളില്‍ കയറി നിന്ന് ചിത്രങ്ങള്‍ പകര്‍ത്തിയ കുറ്റത്തിനാണ് ഇദ്ദേഹത്തെ അറസ്റ്റ് ചെയ്തത്.

ഫോട്ടോ എടുക്കുന്നതിനായി ഏണിവെച്ച് ബുദ്ധ സ്തൂപത്തിന് മുകളില്‍ കയറി പോസ് ചെയ്യുകയായിരുന്നു ഇദ്ദേഹം. ഇത് ബുദ്ധ സ്തൂപത്തെയും ഭൂട്ടാന്‍കാരുടെ വിശ്വാസത്തെയും അപമാനിക്കുന്നതിന് തുല്യമാണെന്നാണ് ഭൂട്ടാന്‍കാരുടെ വിശ്വാസം.

ഭൂട്ടാനില്‍ നിന്നും പ്രസിദ്ധീകരിക്കുന്ന 'ദി ബൂട്ടാനിസി'നെ അധികരിച്ച് ദി ഇന്ത്യന്‍ എക്സപ്രസ് ആണ് ഇക്കാര്യം റിപ്പോര്‍ട്ട് ചെയ്തത്.

പതിനഞ്ച് അംഗ ബൈക്ക് ടൂറിസ്റ്റ് സംഘത്തിന്റെ ഭാഗമാണ് അഭിജിത്ത് രതന്‍ ഹജരേ. ഇദ്ദേഹത്തിന്റെ പാസ്പോര്‍ട്ട് പിടിച്ചെടുത്തതായും സംഭവത്തില്‍ അന്വേഷണം ആരംഭിച്ചതായും ഭൂട്ടാന്‍ പൊലീസ് വ്യക്തമാക്കി.