ഇരട്ടകളായ നവജാതശിശുക്കളില്‍ ഒരാളെ വില്‍ക്കാന്‍ പിതാവ് ശ്രമിച്ചു.ആശുപത്രിയില്‍ ബന്ധുക്കള്‍ ബഹളമുണ്ടാക്കുകയും സംഘര്‍ഷമുണ്ടാകുകയും അതേ തുടര്‍ന്ന് പോലീസെത്തി പിതാവിനെ അറസ്റ്റു ചെയ്തു. ആന്ധ്രാപ്രദേശിലെ കൃഷ്ണയിലാണ് സംഭവമുണ്ടായത്. ചിന അവുതപള്ളി സ്വദേശിയായ രാജേഷാണ് പിടിയിലായത്. ഒക്ടോബര്‍ 10നാണ് രാജേഷിന്റെ ഭാര്യ രജിത ഇരട്ട പെണ്‍കുട്ടികളെ പ്രസവിച്ചത്.

എന്നാല്‍ പെണ്‍കുട്ടികളാണെന്ന് അറിഞ്ഞതോടെ രണ്ട് പെണ്‍കുട്ടികളെ വളര്‍ത്താന്‍ സാധിക്കില്ലെന്ന് പറഞ്ഞ് ഒരു കുഞ്ഞിനെ രാജേഷ് വില്‍ക്കാന്‍ തീരുമാനിക്കുകയായിരുന്നു. എന്നാല്‍ ഇതിനെതിരെ ബന്ധുക്കള്‍ പ്രതികരിക്കുകയും ആശുപത്രിയില്‍ സംഘര്‍ഷം ഉണ്ടാകുകയും ചെയ്തു. തുടര്‍ന്ന് ആശുപത്രി അധികൃതര്‍ പോലീസില്‍ വിവരമറിയിക്കുയായിരുന്നു.

പോലീസെത്തി അന്വേഷിച്ചപ്പോഴാണ് കുഞ്ഞിന്റെ വില്‍പ്പനയെക്കുറിച്ച് അറിയുന്നത്. തുടര്‍ന്ന് രാജേഷിനെ അറസ്റ്റ് ചെയ്യുകയായിരുന്നു