മെഡിക്കൽ കമ്പനി റെപ്രസെന്റേറ്റീവായ യുവതിയെ മുറിയിലേയ്ക്ക് വിളിച്ച് വരുത്തി ശീതളപാനീയം നൽകി മയക്കി ബലാത്സംഗത്തിനിരയാക്കി ഡോക്ടർ; മയക്കംവിട്ടെഴുന്നേറ്റ യുവതിയോട് നഗ്ന ദൃശ്യങ്ങള് ഭർത്താവിനെ കാണിക്കുമെന്ന് ഭീഷണിപ്പെടുത്തി- മാസങ്ങളോളം ബലാത്സംഗത്തിനിരയായ യുവതി സഹികെട്ട് പോലീസിൽ അറിയിച്ചതോടെ സിറ്റി ആശുപത്രി ഡോക്ടർ കുടുങ്ങി
ഡല്ഹിയിൽ മെഡിക്കല് കമ്പനി റിപ്രസെന്റേറ്റീവിനെ പീഡനത്തിനിരയാക്കിയ സിറ്റി ആശുപത്രി ഡോക്ടറെ പോലീസ് അറസ്റ്റ് ചെയ്തു. പ്രതി ബലാത്സംഗ ദൃശ്യങ്ങള് പകര്ത്തി യുവതിയെ ഭീഷണിപ്പെടുത്തുകയും ചെയ്തിരുന്നു. പ്രമുഖ മെഡിക്കല് കമ്പനിയിലെ റെപ്രസെന്റേറ്റീവായിരുന്നു യുവതി.
നേരത്തെ പരിചയപ്പെട്ട ഇരുവരും ഡല്ഹിയിലെ ഗ്രീന് പാര്ക്ക് പ്രദേശത്തുള്ള കോഫീ ഹൗസില് വീണ്ടും കണ്ടുമുട്ടി. പിന്നീട് മെയ് പത്തിന് ഡോക്ടര് യുവതിയെ തന്റെ മുറിയിലേക്ക് ക്ഷണിച്ച് തണുത്ത പാനീയം നല്കി ബോധംകെടുത്തുകയായിരുന്നു. തുടര്ന്ന് പ്രതിയായ ഡോക്ടര് യുവതിയെ ബലാത്സംഗം ചെയ്തു. ബോധം തിരികെ കിട്ടിയ യുവതി ഡോക്ടറെ ചോദ്യം ചെയ്യുകയും മറ്റും ചെയ്തതോടെ ഇയാള് യുവതിയുടെ നഗ്ന ദൃശ്യങ്ങള് കാട്ടി ഭീഷണിപ്പെടുത്തി. യുവതിയുടെ ഭര്ത്താവിന് ദൃശ്യങ്ങള് അയച്ച് കൊടുക്കുമെന്നായിരുന്നു ഭീഷണി.
തുടര്ന്ന് മാസങ്ങളായി യുവതിയെ ഭീഷണിപ്പെടുത്തി ഡോക്ടര് ബലാത്സംഗം ചെയ്ത് വരികയായിരുന്നു. സഹിക്കാതായതോടെ യുവതി പോലീസില് വിവരം അറിയിച്ചു. അന്വേഷണത്തില് യുവതിയുടെ പരാതി ശരിയാണെന്ന് മനസിലായ ഡല്ഹി പോലീസ് ഡോക്ടറെ അറസ്റ്റ് ചെയ്തു. ഡോക്ടറുടെ മൊബൈല് ഫോണ് പോലീസ് പിടിച്ചെടുക്കുകയും ചെയ്തു.
https://www.facebook.com/Malayalivartha