പ്രധാനമന്ത്രി നരേന്ദ്രമോദി സഞ്ചരിച്ച ഹെലിക്കോപ്റ്ററിന്റെ ചിത്രം പകര്‍ത്തി. രണ്ടുപേരെ മഹാരാഷ്ട്രാ തീവ്രവാദ വിരുദ്ധ സ്‌ക്വാഡ് ചോദ്യംചെയ്തു. നാഗ്പുര്‍ വിമാനത്താവളത്തിലാണ് സംഭവം നടന്നത്. രണ്ടുപേര്‍ ചേർന്നായിരുന്നു കഴിഞ്ഞ ഞായറാഴ്ച ഹെലിക്കോപ്റ്ററിന്റെ ചിത്രം പകര്‍ത്തിയത്.

ഇവരില്‍ ഒരാളുടെ മൊബൈല്‍ ഫോണില്‍ നിന്നും തീവ്രവാദ വിരുദ്ധ സ്‌ക്വാഡ് ചിത്രങ്ങള്‍ കണ്ടെടുത്തു. തെരഞ്ഞെടുപ്പ് റാലിയെ അഭിസംബോധന ചെയ്യാനായിരുന്നു പ്രധാനമന്ത്രി മോദി മഹാരാഷ്ട്രയിലെത്തിയത്. ബാന്ദ്ര ജില്ലയിലെ സകോളിയിലായിരുന്നു റാലി നടന്നത്. നാഗ്പുര്‍ വിമാനത്താവളത്തില്‍ എത്തിയ അദ്ദേഹം ഹെലിക്കോപ്റ്ററിലായിരുന്നു അദ്ദേഹം റാലി നടക്കുന്ന സ്ഥലത്തേക്ക് തിരിച്ചത്. ഈ ഹെലിക്കോപ്റ്ററിന്റെ ഫോട്ടോ പകര്‍ത്തിയവരെയാണ് പോലീസ് ചോദ്യം ചെയ്തത് കുടുങ്ങിയത്. സംഭവത്തെപ്പറ്റി അന്വേഷണം തുടങ്ങിയതായി മുതിര്‍ന്ന പോലീസ് ഉദ്യോഗസ്ഥന്‍ വാര്‍ത്താ ഏജന്‍സിയോട് പറഞ്ഞു.