ഇനി രക്ഷയില്ല, കളി മാറും;പ്രധാനമന്ത്രി നരേന്ദ്ര മോദിയുടെ സൗദി സന്ദര്ശനം ഈ മാസം 29ന്
പ്രധാനമന്ത്രിയുടെ സൗദി സന്ദര്ശനം ഈ മാസം 29ന്. ഇന്ത്യയും സൗദി അറേബ്യയും തമ്മിലുള്ള ഉഭയകക്ഷി ബന്ധം ശക്തിപ്പെടുത്തുന്നതിന്റെ ഭാഗമായി റിയാദില് നടക്കുന്ന നിക്ഷേപക സംഗമത്തില് അദ്ദേഹം പങ്കെടുക്കും. പ്രധാനമന്ത്രിയുടെ സന്ദര്ശനത്തിന് മുന്നോടിയായി ദേശീയ സുരക്ഷ ഉപദേഷ്ടാവ് അജിത് ഡോവല് ഈ മാസം ആദ്യം സൗദി സന്ദര്ശിച്ചിരുന്നു.
നിക്ഷേപ സഹകരണം, ഉഭയകക്ഷി ബന്ധം എന്നിവ ശക്തിപ്പെടുത്തുന്നതിന്റെ ഭാഗമായാണ് പ്രധാനമന്ത്രി സൗദി സന്ദര്ശിക്കുന്നത്. ഒക്ടോബര് 29, 30 തീയതികളില് റിയാദില് നടക്കുന്ന മൂന്നാമത് ഫ്യുച്ചര് ഇന്വെസ്റ്റ്മെന്റ് ഇനിഷ്യേറ്റിവ് സംഗമത്തില് അദ്ദേഹം സംബന്ധിക്കും. ആഗോള ബിസിനസ് മേഖലയിലെ പ്രമുഖരും നിക്ഷേപകരും സംഗമത്തില് പങ്കെടുക്കും. ആഗോള തലത്തിലുള്ള വ്യാപാര, വാണിജ്യ വിഷയങ്ങളാണ് സമ്മേളനത്തിന്റെ മുഖ്യ അജണ്ട. ഊര്ജ്ജം, വിനോദ സഞ്ചാരം, നയതന്ത്രം എന്നീ മേഖലകളില് ഇന്ത്യയും സൗദിയുമായി നിലനില്ക്കുന്ന ബന്ധത്തിന് കൂടുതല് ഉണര്വേകുന്നതാകും പ്രധാനമന്ത്രിയുടെ സന്ദര്ശനം. 2016ലാണ് മോദി അവസാനമായി സൗദി അറേബ്യ സന്ദര്ശിച്ചത്.
https://www.facebook.com/Malayalivartha