ഹോസ്റ്റല് ഫീസ് വര്ധനയ്ക്കും സമയക്രമത്തിനുമെതിരെ ഡല്ഹി ജവഹര്ലാല് നെഹ്റു സര്വകലാശാലയില് വിദ്യാര്ഥികളുടെ പ്രതിഷേധ സമരം... ഉപരാഷ്ട്രപതി വെങ്കയ്യ നായിഡു ഉള്പ്പടെ പങ്കെടുക്കുന്ന ബിരുദ ദാനചടങ്ങ് ബഹിഷ്കരിച്ച് വിദ്യാര്ഥികള്
ഹോസ്റ്റല് ഫീസ് വര്ധനയ്ക്കും സമയക്രമത്തിനുമെതിരെ ഡല്ഹി ജവഹര്ലാല് നെഹ്റു സര്വകലാശാല (ജെഎന്യു) യില് വിദ്യാര്ഥികളുടെ പ്രതിഷേധ സമരം. ഉപരാഷ്ട്രപതി വെങ്കയ്യ നായിഡു ഉള്പ്പടെ പങ്കെടുക്കുന്ന ബിരുദ ദാനചടങ്ങ് ബഹിഷ്കരിച്ച് വിദ്യാര്ഥികള് കാമ്പസില് പ്രകടനം നടത്തി. പോലീസ് ബാരിക്കേഡ് തകര്ക്കാന് ശ്രമിച്ച വിദ്യാര്ഥികളെ ബലംപ്രയോഗിച്ച് അറസ്റ്റ് ചെയ്ത് നീക്കി. നേരത്തെ വിഷയവുമായി ബന്ധപ്പെട്ട് വിദ്യാര്ഥികള് നഗരത്തിലും പ്രകടനം നടത്തിയിരുന്നു.
കഴിഞ്ഞ 10 ദിവസമായി ജെഎന്യുവില് വിദ്യാര്ഥികള് സമരത്തിലാണ്. പുതിയ സമയക്രമത്തിലെ അതൃപ്തി വിദ്യാര്ഥികള് രേഖാമൂലം വൈസ് ചാന്സലറെ അറിയിച്ചിരുന്നു.ഉയര്ന്ന ഫീസ് സാമ്പത്തിക ബാധ്യതയുണ്ടാക്കുമെന്നും വിദ്യാര്ഥികള് വാദിക്കുന്നു. ഹോസ്റ്റലുകളില് രാത്രി നേരത്തെ പ്രവേശിക്കണമെന്നും പ്രത്യേക ഡ്രസ് കോഡ് ഏര്പ്പെടുത്തണമെന്നും പുതിയ വ്യവസ്ഥകള് ആവശ്യപ്പെടുന്നു.
"
https://www.facebook.com/Malayalivartha
