അമിത്ഷായുടെ കണ്ണ് അവിടെ തന്നെ, ആ തുറുപ്പചീട്ട്; കേരളത്തിലും തമിഴ്‌നാട്ടിലും ബിജെപി സംസ്ഥാന അധ്യക്ഷ പദവിയില്‍ ആരെ നിയമിക്കും?
കേന്ദ്ര ആഭ്യന്തരമന്ത്രി എന്ന നിലയിലുള്ള വന്‍ തിരക്കുകള്‍ക്കിടയിലും അമിത് ഷാ രണ്ടു ദക്ഷിണേന്ത്യന്‍ ചോദ്യങ്ങളുമായി മല്‍പിടിത്തത്തിലാണ് കേരളത്തിലും തമിഴ്‌നാട്ടിലും ബിജെപി സംസ്ഥാന അധ്യക്ഷ പദവിയില്‍ ആരെ നിയമിക്കും? തമിഴ്നാട് പാര്‍ട്ടി അധ്യക്ഷ തമിഴിസൈ സൗന്ദര്‍രാജന്‍ തെലങ്കാനയിലും കേരളത്തിലെ പി.എസ്. ശ്രീധരന്‍പിള്ള മിസോറമിലും ഗവര്‍ണര്‍മാരായി പോയ സാഹചര്യത്തിലാണിത്.
വിശാല ഇന്ത്യന്‍ പാര്‍ട്ടി എന്ന പ്രധാനമന്ത്രി നരേന്ദ്ര മോദിയുടെയും അമിത് ഷായുടെയും മോഹം സഫലമാകാന്‍, ഈ രണ്ടു സംസ്ഥാനങ്ങളിലെയും ബിജെപി അധ്യക്ഷ നിയമനം നിര്‍ണായകമാണ്. കേരളത്തില്‍ രണ്ടു പ്രബല മുന്നണികള്‍ക്കു പിന്നില്‍ മൂന്നാം സ്ഥാനത്താണു ബിജെപി. തമിഴ്‌നാട്ടിലാകട്ടെ, അണ്ണാ ഡിഎംകെ മുന്നണിയിലെ ഒരു ചെറുകക്ഷിയും. കര്‍ണാടക ഒഴികെയുള്ള ദക്ഷിണേന്ത്യന്‍ സംസ്ഥാനങ്ങളില്‍ പാര്‍ട്ടിക്കു സന്തോഷിക്കാന്‍ കാര്യമായൊന്നുമില്ല. ആന്ധ്രയില്‍ നാമമാത്രം.
https://www.facebook.com/Malayalivartha
