ഹൈദരാബാദില്‍ നിന്നും വിശാഖപ്പട്ടണത്തേക്ക് ഷെഡ്യൂള്‍ ചെയ്ത വിമാനം അപ്രതീക്ഷിതമായി വൈകി. വൈകാനുള്ള കാരണം യാത്രക്കാരെ അറിയിക്കത്ത അധികൃതർ . ഒടുവിൽ കാത്ത് ക്ഷമക്കെട്ട യാത്രക്കാർ പ്രതിഷേധം തുടങ്ങി. വിമാനത്തിനുള്ളിൽ എലി കയറിയതാണ് വൈകാനുള്ള കാരണം. 12 മണിക്കൂറായിരുന്നു വിമാനം വൈകിയത്. ഹൈദരാബാദ് രാജീവ് ഗാന്ധി അന്താരാഷ്ട്ര വിമാനത്താവളത്തില്‍ നിന്ന് കഴിഞ്ഞ ദിവസം രാവിലെ 6.10ന് എയര്‍ ഇന്ത്യ ഫ്ലൈറ്റ് എ1-952 എന്ന വിമാനം പുറപ്പെടേണ്ടതായിരുന്നു.

പക്ഷേ ടേക്ക് ഓഫിന് അൽപസമയം മാത്രം ബാക്കി നിൽക്കവെയായിരുന്നു വിമാനത്തിനുള്ളില്‍ എലി കയറിയത് . ഇത് കണ്ടതോടെ എലിയെ പിടിക്കാനുള്ള ശ്രമങ്ങൾ തുടങ്ങി. അങ്ങനെ 12 മണിക്കൂറിന് ശേഷം എലിയെ പിടിച്ച് പുറത്ത് കളഞ്ഞു . വൈകുന്നേരം 5.30നായിരുന്നു വിമാനം പറന്നത്. സോഷ്യല്‍ മീഡിയയില്‍ എയര്‍ ഇന്ത്യക്കെതിരെ വ്യാപക പ്രതിഷേധമുണ്ടായി. പകരം വിമാനം ഏര്‍പ്പെടുത്താത്തതില്‍ യാത്രക്കാര്‍ പ്രതിഷേധിച്ചു.