നാഗാ വിമത നേതാവിന്റെ മകന്റെ വിവാഹചിത്രം വിവാദത്തില്‍, തോക്കേന്തി വരനും വധുവും സദസ്സില്‍
വിവാഹത്തിന് വധുവിനൊപ്പം തോക്കേന്തി നില്‍ക്കുന്ന വരന്റെ ചിത്രം വിവാദമാകുന്നു.
നാഗാലാന്റിലെ എന്‍എസ്‌സിഎന്‍ - യു നേതാവ് ബൊഹോതോ കിബയുടെ മകനും വധുവുമാണ് വിവാഹത്തിന് തോക്കുമായി നില്‍ക്കുന്നത്.
നാഗാ വംശജര്‍ മാത്രമുള്ള ഒരു പ്രത്യേക രാജ്യം രൂപീകരിക്കണമെന്നും നാഗാലാന്റിനെ ഇന്ത്യയില്‍ നിന്ന് സ്വതന്ത്രമാക്കണമെന്നുമുള്ള ലക്ഷ്യത്തോടെ പ്രവര്‍ത്തിക്കുന്ന ഗ്രൂപ്പാണ് എന്‍എസ്‌സിഎന്‍- യു. നാഗാഗ്രൂപ്പുമായി കേന്ദ്രം സമാധാന കരാര്‍ ഉണ്ടാക്കുന്നിനിടെയാണ് പുതിയ വിവാദം. ഇതിനോടകം തന്നെ ചിത്രം ചര്‍ച്ചയാകുകയും ചെയ്തു.
എ കെ 47, എം 16,എ 16 എന്നീ ഓട്ടോമാറ്റിക് തോക്കാണ് ഇവര്‍ വേദിയില്‍ കൊണ്ടുവന്നത്. ഇരുവരും തോക്കേന്തി സദസ്സില്‍ വന്നത് അതിഥിയായെത്തിയവരെ വരെ ഞെട്ടിച്ചെന്നാണ് റിപ്പോര്‍ട്ടുകള്‍. എന്നാല്‍ താന്‍ അത്തരം ചിത്രങ്ങള്‍ കണ്ടില്ലെന്നും അതുകൊണ്ട് ആശങ്കയില്ലെന്നും നാഗാലാന്റ് പൊലീസ് ചീഫ് ടി ജോണ്‍ ലോംഗ്കുമെര്‍ പറഞ്ഞതായി ന്യൂസ് ഏജന്‍സിയായ ഐഎഎന്‍എസ് റിപ്പോര്‍ട്ട് ചെയ്യുന്നു.
ഇതുവരെ വരന്റെയും വധുവിന്റെയും പേരുകള്‍ പുറത്തുവിട്ടിട്ടില്ല. ഏഴ് നാഗാ വിമത ഗ്രൂപ്പുകളില്‍ ഒന്നാണ് എന്‍എസ്‌സിഎന്‍ - യു. 2007 നവംബര്‍ 23-നാണ് എന്‍എസ്‌സിഎന്‍ - യു സ്ഥാപിച്ചത്.
https://www.facebook.com/Malayalivartha
