യുവ ഗവേഷകന്‍ പുതുതായി കണ്ടെത്തിയ ചിലന്തി വര്‍ഗത്തിന് ക്രിക്കറ്റ് ഇതിഹാസം സച്ചിന്‍ തെന്‍ഡുല്‍ക്കറുടെ പേരു നല്‍കി . 

ഗുജറാത്ത് ഇക്കോളജിക്കല്‍ എഡ്യൂക്കേഷന്‍ ആന്റ് റിസര്‍ച്ച് ഫൗണ്ടേഷനിലെ ജൂനിയര്‍ റിസര്‍ച്ചറായ ധ്രുവ് പ്രജാപതിയാണ് പുതിയ ചിലന്തി വര്‍ഗ്ഗത്തിന് താരത്തിന്റെ പേര് നല്‍കിയത്.

സച്ചിനോടുള്ള കടുത്ത ആരാധനയാണ് താന്‍ പുതുതായി കണ്ടെത്തിയ ചിലന്തി വര്‍ഗത്തിന് അദ്ദേഹത്തിന്റെ പേരു നല്‍കാന്‍ പ്രേരിപ്പിച്ചതെന്ന് അദ്ദേഹം പറയുന്നു.

ചിലന്തികളുടെ വര്‍ഗീകരണ ശാസ്ത്രത്തില്‍ പി.എച്ച്.ഡി ചെയ്യുന്ന ധ്രുവ് രണ്ട് ചിലന്തി വര്‍ഗങ്ങളെയാണ് പുതുതായി കണ്ടെത്തിയത്. ഇതിലൊന്നിനാണ് 'മാരെന്‍ഗോ സച്ചിന്‍ തെന്‍ഡുല്‍ക്കര്‍' എന്ന പേരു നല്‍കിയിരിക്കുന്നത്. സച്ചിന്‍ തന്റെ ഇഷ്ട താരമാണെന്നും അതിനാലാണ് അദ്ദേഹത്തിന്റെ പേര് ഉപയോഗിച്ചതെന്നും ധ്രുവ് പറയുന്നു.

കേരളത്തില്‍ വിദ്യാഭ്യാസ മേഖലയുടെ വളര്‍ച്ചയ്ക്ക് ഏറെ സംഭാവനകള്‍ നല്‍കിയ ചാവറ കുര്യാക്കോസ് ഏലിയാസ് അച്ചന്റെ പേരാണ് അടുത്ത ചിലന്തിയ്ക്ക് നല്‍കിയിരിക്കുന്നത്.