ചാർജ്ജിലിട്ട ഫോൺ പൊട്ടിത്തെറിച്ച് ഉറങ്ങിക്കിടന്ന യുവാവിന് ദാരുണാന്ത്യം; മുറിയിൽ നിന്ന് പുക ഉയരുന്നത് കണ്ട് എത്തിയ സുഹൃത്തുക്കൾ കണ്ടത് മുഖത്ത് കാര്യമായി പൊള്ളലേറ്റ 22കാരനെ...
ചാര്‍ജിലിട്ട ഫോൺ പൊട്ടിത്തെറിച്ച് ഉറങ്ങിക്കിടന്ന യുവാവിന് ദാരുണാന്ത്യം. ഫോൺ ചാർജിലിട്ട് കിടന്നുറങ്ങിയതാണ് അപകട കാരണം. മുറിയിൽ നിന്ന് പുക ഉയരുന്നത് കണ്ടാണ് കൂടെയുണ്ടായിരുന്നവർ പോയിനോക്കിയത്. മുഖത്ത് കാര്യമായി പൊള്ളലേറ്റ നിലയിലാണ് മൃതദേഹം കണ്ടെത്തിയത്.
യഗഡ് ജില്ലയിലെ രൺപൂർ ഗ്രാമത്തിലെ 22കാരനായ കുന പധാൻ ആണ് മരിച്ചത്
ഒന്ന് ശ്രദ്ധിച്ചാൽ ഒഴിവാക്കാവുന്ന അപകടങ്ങളാണ് ഇത്...
ഫോൺ റീചാർജ് ചെയ്യുമ്പോൾ ഉപയോഗിക്കാതിരിക്കുക.
ചാർജിങ്ങിൽ ഇട്ടുകൊണ്ടു ഫോണിൽ സംസാരിക്കുന്ന ശീലമുണ്ടെങ്കിൽ അവസാനിപ്പിക്കുക.
രാത്രി മുഴുവൻ ഫോൺ ചാർജിങ്ങിനു കുത്തിയിടാതിരിക്കുക.
ഒരു കാരണവശാലും ഫോൺ തലയണയുടെ അടിയിൽ വച്ചുകൊണ്ടു ചാർജിങ്ങിനിടരുത്.
ചാർജിങ് മൂലമുള്ള ചൂടിനൊപ്പം തലയണയുടെ കീഴിലെ സമ്മർദ്ദവും ചൂടും കൂടിയാവുമ്പോൾ അപകടസാധ്യതയേറും.
ചാർജിങ്ങിനിടയിൽ ഫോൺ അമിതമായി ചൂടാവുന്നതു ശ്രദ്ധയിൽപ്പെട്ടാൽ ചാർജിങ് അവസാനിപ്പിക്കുക.
ഫോൺ തണുത്തതിനു ശേഷം മാത്രം വീണ്ടും ചാർജ് ചെയ്യുക.
https://www.facebook.com/Malayalivartha
