ഭാര്യയെ ശല്യം ചെയ്തവരെ ചോദ്യം ചെയ്ത ഭർത്താവിനെ വളഞ്ഞിട്ട് ആക്രമിച്ച് ഒരു കൂട്ടം ആൾക്കാർ.  ഞായറാഴ്ച രാത്രി ഗുഡ്ഗാവിലെ ഒരു റെസ്റ്റോറന്‍റില്‍ വച്ചായിരുന്നു സംഭവം നടന്നത്. ഭര്‍ത്താവിന്‍റെ തലയ്ക്ക് ഇവര്‍ മദ്യക്കുപ്പികൊണ്ട് അടിച്ചു. കഴിഞ്ഞ ദിവസമായിരുന്നു ദൃശ്യങ്ങള്‍ പുറത്തുവന്നത്.

സൊഹ്നാ റോഡില്‍ 47ാം സെക്ടറിലായിരുന്നു റെസ്റ്റോറന്‍റ് സ്ഥിതി ചെയ്യുന്നത്. മദ്യപിച്ചെത്തിയ ആറംഗ സംഘം യുവതിയുടെയും ഭര്‍ത്താവിന്‍റെയും മേശയ്ക്ക് ചുറ്റും കൂടി നില്‍ക്കുകയും തുടര്‍ന്ന് ഇരുവരുമായും തര്‍ക്കിക്കുകയും യുവതിയുടെ ഭര്‍ത്താവിനെ മദ്യക്കുപ്പികൊണ്ട് തലക്കടിക്കുകയും ചെയ്തു. സംഭവസ്ഥലത്തുനിന്ന് ഓടിരക്ഷപ്പെട്ട ആറുപേര്‍ക്കുമെതിരെ പൊലീസ് എഫ്ഐആര്‍ രജിസ്റ്റര്‍ ചെയ്തു കഴിഞ്ഞു.