യുവതീപ്രവേശം ശബരിമലയില് അനുവദിച്ച വിധി സ്റ്റേ ചെയ്യുകയോ പുന:പ്പരിശോധനാ ഹര്ജികള് ഏഴംഗ ഭരണഘാടനാ ബെഞ്ചിന് വിടുകയോ ചെയ്തിട്ടില്ലെന്ന് സുപ്രീംകോടതി ഉത്തരവിന്റെ പകര്പ്പില് നിന്ന് വ്യക്തമാകുന്നു
യുവതീപ്രവേശം ശബരിമലയില് അനുവദിച്ച വിധി സ്റ്റേ ചെയ്യുകയോ പുന:പ്പരിശോധനാ ഹര്ജികള് ഏഴംഗ ഭരണഘാടനാ ബെഞ്ചിന് വിടുകയോ ചെയ്തിട്ടില്ലെന്ന് സുപ്രീംകോടതി ഉത്തരവിന്റെ പകര്പ്പില് നിന്ന് വ്യക്തമാകുന്നു. പുനഃപരിശോധന ഹര്ജികളും റിട്ട് ഹര്ജികളും സുപ്രീംകോടതി വിശാല ബെഞ്ചിന് വിട്ടില്ല. പകരം ഭരണഘടനയും ധാര്മികതയും ഉള്പ്പെടെയുള്ള ഏഴ് കാര്യങ്ങള് പരിശോധിച്ച് തീരുമാനം എടുക്കാന് ഏഴംഗബെഞ്ചിന് വിടുകയാണുണ്ടായത്. അവ തീര്പ്പ് കല്പിച്ച ശേഷം അഞ്ചംഗ ബഞ്ച് തന്നെ ഹര്ജികള് പരിഗണിക്കട്ടെ എന്നാണ് കോടതി ഇന്ന് തീരുമാനിച്ചിരിക്കുന്നത്.
മാതാചാരം ചോദ്യം ചെയ്യാന് ആര്ക്കാണ് അവകാശം, ഭരണഘടനയും ധാര്മികതയും നിര്വചിക്കുക, മതവിശ്വാസവും തുല്യതയും പൊരുത്തപ്പെടുമോ, മതാചാരങ്ങള്ക്ക് ഭരണഘടനയുടെ പരിഗണനയുണ്ടോ, മതവിശ്വാസം ക്രമസമാധാനത്തിന് വിധേയമാണോ, മതാചാരങ്ങള് തീരുമാനിക്കേണ്ടതാര്, ഹിന്ദുമതത്തിന്റെ നിര്വചനം എന്താണ് , മതാചാരങ്ങള് ചോദ്യം ചെയ്യാന് മതത്തിന് പുറത്തുള്ളവര്ക്ക് അവകാശമുണ്ടോ തുടങ്ങീ കാര്യങ്ങളാണ് ഏഴംഗ വിശാലബെഞ്ച് പരിശോധിക്കുന്നത്. മുസഌം സ്ത്രീകളുടെ പള്ളി പ്രവേശനം, അന്യ മതസ്ഥനെ വിവാഹം ചെയ്ത പാഴ്സി സ്ത്രീകള്ക്കുള്ള വിലക്ക്, ദാവൂദി ബോറകള്ക്ക് ഇടയിലെ ചേലാകര്മ്മം തുടങ്ങിയ കാര്യങ്ങളിലും തീരുമാനം എടുക്കേണ്ടതിനാലാണ് ഇത്തരം കാര്യങ്ങള് വിശാലബെഞ്ച് പരിശോധിച്ച് തീരുമാനം എടുക്കട്ടെ എന്ന് കോടതി തീരുമാനിച്ചത്. അതിന് ശേഷമായിരിക്കും ശബരിമല പുന:പ്പരിശോധനാ ഹര്ജികള് പരിശോധിക്കുക.
ശിരൂര് മഠവുമായി ബന്ധപ്പെട്ട കേസില് ഓരോ മതവിഭാഗത്തിനും അവരുടെ അനിവാര്യ ആചാരങ്ങള് നിശ്ചയിക്കാം എന്നു ഏഴംഗ ബഞ്ച് നിശ്ചയിച്ചിട്ടുണ്ട്. അതാണ് ശബരിമല പുന:പ്പരിശോധനാ ഹര്ജിക്കാര് ചൂണ്ടിക്കാണിച്ചിട്ടുള്ളത്. അതുപോലെ അജ്മീര് ദര്ഗ കേസിലെ അഞ്ചംഗ ബഞ്ചിന്റെ വിധിയുടെ അടിസ്ഥാനത്തില് ആചാരങ്ങള് കോടതി തീരുമാനിക്കണോ എന്നകാര്യത്തില് ഭിന്നതകളുണ്ട്. അതെല്ലാം വിശാല ബഞ്ച് പരിശോധിക്കട്ടെ എന്നാണ് കോടതി തീരുമാനം. പരമോന്നത കോടതിയുടെ വിധിയെ ആര്ക്കും വിമര്ശിക്കാം. പക്ഷെ വിധിയെ ധ്വംസിക്കുന്നതും അതിന് ആള്ക്കാരെ പ്രേരിപ്പിക്കുന്നതും അംഗീകരിക്കാന് ആകില്ലെന്നും ന്യൂനപക്ഷ വിധിയില് ജസ്റ്റിസ് ആര്.എഫ് നരിമാന് വ്യക്തമാക്കുന്നു.
വിശാലബെഞ്ച് കാര്യങ്ങള് പരിശോധിക്കുന്ന ഘട്ടത്തില് വീണ്ടും ആര്ക്കെങ്കിലും പുന:പ്പരിശോധനാ ഹര്ജികള് നല്കാമെങ്കില് അതും ആവാം എന്നും കോടതി പറഞ്ഞു. ചീഫ് ജസ്റ്റിസ് രൂപം നല്കുള്ള വിശാല ബഞ്ച് ഈ വിഷയങ്ങളെല്ലാം പരിശോധിച്ച് തീരുമാനം എടുക്കുന്നത് വരെ യുവതീ പ്രവേശന വിധിക്ക് എതിരായ പുനപരിശോധന, റിട്ട് ഹര്ജികള് തീര്പ്പാക്കാതെ തുടരും. അതിന് ശേഷം അഞ്ചംഗ ബെഞ്ച് തന്നെ ഹര്ജികള് പരിഗണിക്കുകയോ, തള്ളിക്കളയുകയോ ചെയ്യാം. ചീഫ് ജസ്റ്റിസ് രഞ്ജന് ഗോഗോയ്, ജസ്റ്റിസുമാരായ ഇന്ദു മല്ഹോത്ര, എ എം ഖാന്വില്ക്കര് എന്നിവരാണ്് വിശാല ബെഞ്ചിന് പ്രധാനകാര്യങ്ങള് വിട്ട ഭൂരിപക്ഷ വിധി പറഞ്ഞത്. ജസ്റ്റിസ്മാരായ ഡി. വൈ ചന്ദ്രചൂഡും ആര്.എഫ് നരിമാനും ഈ വിധിയെ എഥിര്ക്കുകയും ഭരണഘടനയാണ് വിശുദ്ധ ഗ്രന്ഥമെന്ന് ചൂണ്ടിക്കാട്ടുകയും ചെയ്തു.
https://www.facebook.com/Malayalivartha
