അന്തരീക്ഷ മലിനീകരണം രൂക്ഷമായതിനെ തുടര്ന്ന് ദില്ലിയിലെ സ്കൂളുകള്ക്ക് രണ്ട് ദിവസം കൂടി അവധി
രൂക്ഷമായ അന്തരീക്ഷ മലിനീകരണം അനുഭവപ്പെടുന്നതിനാല് ദില്ലിയിലെ സ്കൂളുകള്ക്ക് രണ്ട് ദിവസം കൂടി അവധി പ്രഖ്യാപിച്ചു.
ദില്ലി, നോയിഡ, ഗാസിയാബാദ് എന്നിവിടങ്ങളിലെ വിദ്യാഭ്യാസ സ്ഥാപനങ്ങള്ക്കാണ് അവധി നല്കിയിരിക്കുന്നത്.
കഴിഞ്ഞ രണ്ട് ദിവസങ്ങളിലായി ദില്ലിയിലെ അന്തരീക്ഷ മലിനീകരണം ഗുരുതരാവസ്ഥയിലെത്തിയിരുന്നു.
പരിസ്ഥിതി മലിനീകരണ നിയന്ത്രണ അതോറിറ്റിയാണ് സ്കൂളുകള്ക്ക് അവധി നിര്ദ്ദേശിച്ചത്.
വെള്ളിയാഴ്ച വരെ ദില്ലിയിലെ മിക്സിംഗ് പ്ലാന്റുകളും ക്രഷറുകളും അടച്ചിടാനും അതോറിറ്റി നിര്ദ്ദേശം നല്കിയിട്ടുണ്ട്.
കൂടാതെ നവംബര് 15 വരെ വാതക പ്ലാന്റുകള്, കല്ക്കരി ഉപയോഗിച്ച് പ്രവര്ത്തിക്കുന്ന വ്യവസായ ശാലകള് എന്നിവയും അടച്ചിടാന് പരിസ്ഥിതി മലിനീകരണ നിയന്ത്രണ അതോറിറ്റി നിര്ദ്ദേശം നല്കിയിട്ടുണ്ട്.
നഗരത്തിലെ വായുവിന്റെ ഗുണനിലവാരം വീണ്ടും അപകടകരമായ അവസ്ഥയിലേക്ക് എത്തിക്കൊണ്ടിരിക്കുകയാണെന്നും അതോറിറ്റി ചൂണ്ടിക്കാട്ടി.
https://www.facebook.com/Malayalivartha