തന്റെ കൂടെ ജീവിക്കാന്‍ തയ്യാറല്ലെന്ന ഭാര്യയുടെ നിലപാടില്‍ കുപിതനായ ഭര്‍ത്താവ് മക്കളെ കൊലപ്പെടുത്തിയ വാർത്തയിൽ ഞെട്ടിയിരിക്കുകയാണ് പ്രദേശവാസികൾ. രണ്ടു മക്കളെ 300 അടി താഴ്ചയുളള മലയിടുക്കിലേക്ക് വലിച്ചെറിഞ്ഞാണ് 28കാരന്‍ കൊലപ്പെടുത്തിയത് എന്നാണ് പുറത്തേക്ക് വരുന്ന വിവരം. സംഭവത്തില്‍ എ സിരന്‍ ജീവിയെ പൊലീസ് അറസ്റ്റ് ചെയ്തുകഴിഞ്ഞു.

തമിഴ്‌നാട് നാമക്കലിലെ കൊളളി ഹില്‍സിലാണ് സംഭവം നടന്നത്. മക്കളെ കാണാനില്ലെന്ന് കാണിച്ച്‌ ഭാര്യ നല്‍കിയ പരാതിയില്‍ നടത്തിയ അന്വേഷണത്തിലാണ് സംഭവത്തിന്റെ ദുരൂഹത ഒഴിഞ്ഞത്. എട്ടുവയസും അഞ്ചുവയസുമുളള മക്കളെയാണ് സിരന്‍ജീവി കൊളളി ഹില്‍സില്‍ 300 അടി താഴ്ചയുളള മലയിടുക്കിലേക്ക് വലിച്ചെറിഞ്ഞ് കൊലപ്പെടുത്തിയതെന്ന് പൊലീസ് കണ്ടെത്തുകയുണ്ടായി.

അതോടൊപ്പം തന്നെ ആറുമാസം മുന്‍പ് കുടുംബപ്രശ്‌നങ്ങളെ തുടര്‍ന്ന് ഭാര്യയുമായി അകന്ന് കഴിയുകയാണ് സിരന്‍ജീവി. പ്രദേശത്തെ തന്നെ സാധാരണ തൊഴിലാളിയാണ് സിരന്‍ജീവി. കുടുംബപ്രശ്‌നങ്ങളെ തുടര്‍ന്ന് മക്കളെയും കൂട്ടി ഭാര്യ ഭാഗ്യം അച്ഛന്റെ വീട്ടിലേക്ക് പോകുകയായിരുന്നതിനെ തുടർന്നായിരുന്നു ഭർത്താവ് ഇത്തരം പ്രകോപനത്തിലേക്ക് എത്തിയതെന്ന് പോലീസ് പറയുന്നത്.