ഐഐടി മദ്രാസില് മലയാളി വിദ്യാര്ത്ഥിനി ആത്മഹത്യ ചെയ്ത സംഭവത്തില് ഉന്നത വിദ്യാഭ്യാസ സെക്രട്ടറി ചെന്നൈയിലേക്ക്... ഫാത്തിമയുടെ ഫോണില് 2 അധ്യാപകരുടെ കൂടി പേരുകള് ഉള്ളതായി സൂചന ; ചില വിദ്യാര്ഥികളും കുടുങ്ങാന് സാധ്യത
ഐഐടി മദ്രാസില് മലയാളി വിദ്യാര്ത്ഥിനി ഫാത്തിമയുടെ മരണത്തെക്കുറിച്ച് അന്വേഷിക്കാന് ഉന്നത വിദ്യാഭ്യാസ സെക്രട്ടറി ഇന്ന് ചെന്നൈയിലെത്തും. വിശദമായ അന്വേഷണ റിപ്പോര്ട്ട് കേന്ദ്രത്തിന് കൈമാറും.മലയാളി വിദ്യാര്ഥി ഫാത്തിമ ലത്തീഫിന്റെ ആത്മഹത്യയെ കുറിച്ച് മദ്രാസ് ഐ.ഐ.ടിയില് ചെന്നന്വേഷിക്കാന് ഉന്നത വിദ്യാഭാസ സെക്രട്ടറിക്ക് നിര്ദേശം നല്കിയതായി കേന്ദ്ര മാനവ വിഭവ ശേഷി മന്ത്രി രമേരമേശ് പൊഖ്റിയാല് നിശാങ്ക് അറിയിച്ചുകേന്ദ്ര ഇടപെടലിനെ തുടര്ന്ന് ചെന്നൈയിലെത്തുന്ന ഉന്നതവിദ്യാഭ്യാസ സെക്രട്ടറി ആര് സുബ്രഹ്മണ്യം ഐഐടിയിലേക്ക് പോകും.
അതേസമയം ഫാത്തിമ ലത്തീഫിന്റെ മൊബൈല് ഫോണില്2 അധ്യാപകരുടെ കൂടി പേരുകള് ഉള്ളതായി സൂചനയുണ്ട്.ഫോണില് പ്രത്യേകം എഴുതി സൂക്ഷിച്ച കുറിപ്പിലാണ് ഇവരുടെ പേരുകള് പരാമര്ശിച്ചിരിക്കുന്നത്.ചില വിദ്യാര്ഥികള്ക്കെതിരെയും കുറിപ്പില് പരാമര്ശങ്ങളുണ്ടെന്നാണു സൂചന.ഫാത്തിമയുടെ മരണത്തിന് പിന്നാലെ എംഎ ഇന്റഗ്രേറ്റഡ് ബാച്ചിന് അവധി നല്കിയിരിക്കുകയാണ്....
സെമസ്റ്റര് പരീക്ഷകള് നീട്ടി വച്ചു. സഹപാഠികളില് പലരും വീട്ടിലേക്ക് മടങ്ങി. എങ്കിലും ചെന്നൈയിലുള്ള വിദ്യാര്ഥികളില് നിന്ന് ആര് സുബ്രഹ്മണ്യം വിവരം തേടും. ആരോപണവിധേയരായ അധ്യാപകന് സുദര്ശന് പത്മനാഭന് ഹേമചന്ദ്രന്, മിലിന്ദ് എന്നിവരുടെ മൊഴി രേഖപ്പെടുത്തും...
ഹ്യുമാമിറ്റീസ് ആന്ഡ് സോഷ്യല് സയന്സസ് വകുപ്പില് ഒന്നാം വര്ഷ വിദ്യാര്ഥിനി ആയിരുന്നു കൊല്ലം സ്വദേശിനിയായ ഫാത്തിമ ലത്തീഫ്. കഴിഞ്ഞവര്ഷം സെന്റര് സംഘടിപ്പിച്ച പ്രവേശന പരീക്ഷയില് ഒന്നാം റാങ്കോടു കൂടിയാണ് ഫാത്തിമ ലത്തീഫ് ഐഐടി മദ്രാസില് പ്രവേശനം നേടിയത്.
മാതാപിതാക്കളെയും സഹോദരിമാരെയും അങ്ങേയറ്റം സ്നേഹിക്കുന്നു എന്നു തുടങ്ങുന്ന ഇപ്പോഴത്തെ സ്ഥലത്തെ വെറുപ്പോടെ കാണുകയാണെന്നു ഫാത്തിമ എഴുതിയിട്ടുണ്ട്.ഇതോടൊപ്പമാണ് മരണത്തിനു കാരണക്കാരായി. 2 അധ്യാപകരുടെ പേരും കുറിച്ചിരിക്കുന്നത്.
മൊബൈല് ഫോണിലെ പാസ് വേഡ് ഒഴിവാക്കിയ ഫാത്തിമ ആര്ക്കും ഫോണ് തുറക്കാന് കഴിയുന്ന വിധമാക്കിയിരുന്നു. ബാറ്ററി ചാര്ജ് തീര്ന്നു ഓഫ് ആയ മൊബൈല് ഫോണ് മരണവിവരം അറിഞ്ഞു ചെന്നൈയില് എത്തിയ ബന്ധുക്കളാണു ചാര്ജ് ചെയ്തു വീണ്ടും ഓണ് ചെയ്തത്.വോള് പേപ്പറില് തെളിഞ്ഞ കുറിപ്പ് ബന്ധുക്കള് മറ്റൊരു മൊബൈല് ഫോണില് പകര്ത്തുകയും ചെയ്തിരുന്നു.
തന്റെ മകള്ക്ക് അവളുടെ അധ്യാപകരില് നിന്ന് മതപരവും ജാതീയവുമായ വിവേചനം നേരിടേണ്ടി വന്നിട്ടുണ്ടെന്ന് പിതാവ് ലത്തീഫ് ആരോപിച്ചു. തന്റെ പേരു തന്നെ അവിടെ ഒരു പ്രശ്നമായിരുന്നെന്ന് ഫാത്തിമ നേരത്തെ പറഞ്ഞിട്ടുണ്ടെന്നും പിതാവ് അബ്ദുള് ലത്തീഫ് പറഞ്ഞു. ആത്മഹത്യ ചെയ്ത ഫാത്തിമയുടെ മുറിയില് നിന്ന് പൊലീസ് കണ്ടെടുത്ത ആത്മഹത്യാക്കുറിപ്പില് ചില അധ്യാപകരും വിദ്യാര്ത്ഥികളും തന്നെ മാനസികമായി പീഡിപ്പിക്കുകയും ഉപദ്രവിക്കുകയും ചെയ്തിട്ടുണ്ടെന്ന് പറഞ്ഞിട്ടുണ്ട്. ഫാത്തിമയുടെ ഫോണില് നിന്ന് കണ്ടെത്തിയ വിശദമായ ആത്മഹത്യാക്കുറിപ്പില് ഹേമചന്ദ്രന്, ബ്രഹ്മെ എന്നിവരുടെ പേരും പരാമര്ശിച്ചിട്ടുണ്ട്.
നിര്ണായക വിവരങ്ങള് അടങ്ങിയ ഫാത്തിമയുടെ മൊബൈല് ഫോണ് ഫോറന്സിക് പരിശോധനയ്ക്ക് അയച്ചിരിക്കുകയാണ്.ഫാത്തിമയുടെ ലാപ്ടോപ്പ്, ടാബ് എന്നിവ കൊല്ലത്ത് എത്തുന്ന അന്വേഷണ സംഘത്തിന് വീട്ടുകാര് കൈമാറും.
https://www.facebook.com/Malayalivartha
