മകള് പ്രണയ സല്ലാപം നടത്തുന്നത് കണ്ട പിതാവ് യുവതിയെ വൈദ്യൂതാഘാതമേല്പ്പിച്ചതിനു ശേഷം കഴുത്തറുത്തു കൊലപ്പെടുത്തി; പോലീസിന് കീഴടങ്ങി
ആഗ്രയ്ക്കടുത്ത് ഫിറോസാബാദ് ജില്ലയിലെ സേലംപൂര് ഖുട്ടിയാന ഗ്രാമത്തില് മകളെ പിതാവ് കഴുത്തു മുറിച്ചുകൊന്നു. അയല്ക്കാരനായ യുവാവിനെ പ്രണയിച്ചതിന്റെയും അര്ദ്ധരാത്രിയില് പ്രണയസല്ലാപം നടത്തിയതിന്റെയും പേരില് ശക്തമായി വൈദ്യുതാഘാതം ഏല്പ്പിച്ച ശേഷമായിരുന്നു 22-കാരിയായ യുവതിയുടെ കഴുത്തു മുറിച്ചത്. മകള് മരിച്ചെന്ന് ഉറപ്പാക്കിയ ശേഷം പിതാവ് പോലീസില് കീഴടങ്ങുകയും ചെയ്തു.
മാതാപിതാക്കളുടെ അഞ്ചു മക്കളില് ഏറ്റവും ഇളയവളും ഒരേയൊരു പെണ്കുട്ടിയുമാണ് പോസ്റ്റ് ഗ്രാജ്വേറ്റ് കൂടിയായ യുവതി. ശനിയാഴ്ചയും ഞായറാഴ്ചയും അര്ദ്ധരാത്രിയില് മകള് യുവാവുമായി സംസാരിക്കുന്നത് കണ്ടെന്നും അയാളുമായുള്ള ബന്ധം തനിക്ക് ഇഷ്ടമില്ലാത്ത കാര്യമാണെന്നും പ്രതി ഹരിവംശകുമാര് പോലീസിനോട് പറഞ്ഞു. ഞായാറാഴ്ച പുലര്ച്ചെ 1.15-ന് ആയിരുന്നു സംഭവം.
ഒരു ആഘോഷവുമായി ബന്ധപ്പെട്ട് പെണ്കുട്ടിയുടെ മാതാവും മൂന്ന് സഹോദരന്മാരും ഹരിയാനയിലെ ഗുരുഗ്രാമിലേക്ക് പോയിരുന്നതിനാല് സംഭവം നടക്കുമ്പോള് വീട്ടില് ആരുമുണ്ടായിരുന്നില്ല. നാലാമത്തെ സഹോദരന്റെ വീട് ഈ വീടിന്റെ തൊട്ട് എതിര്വശത്താണ്. സംഭവം നടക്കുമ്പോള് പിതാവും മകളും മാത്രമായിരുന്നു വീട്ടില് ഉണ്ടായിരുന്നത്. എല്ലാ ദിവസവും വീടിന് പുറത്തുവെച്ച് പെണ്കുട്ടി കാമുകനുമായി രഹസ്യ കൂടിക്കാഴ്ച നടത്തിയിരുന്നു
മകള് കാമുകനുമായി സംസാരിക്കുന്നത് പിതാവ് കണ്ടിരിക്കാം. സമാഗമത്തിന് ശേഷം മകള് തന്റെ മുറിയിലേക്ക് വന്നതും പിതാവ് പെണ്കുട്ടിയെ പിടിച്ച് ആദ്യം വൈദ്യൂതാഘാതം ഏല്പ്പിച്ചു. അതിന് ശേഷം കഴുത്തു മുറിച്ചു കൊലപ്പെടുത്തി എന്നാണ് പോലീസിന് കിട്ടിയിട്ടുള്ള വിവരം. കൃത്യം നടത്തിയ ശേഷം ഹരിവംശ് കുമാര് തന്നെ 100-ലേക്ക് വിളിച്ച് കൊലപാതകത്തെക്കുറിച്ച് പോലീസിനോട് പറഞ്ഞു. തുടര്ന്ന് റൂറല് എസ്പി രാജേഷ്കുമാറിന്റെ നേതൃത്വത്തിലുള്ള പോലീസ് സംഘമെത്തി പ്രതിയെ അറസ്റ്റ് ചെയ്യുകയുമായിരുന്നു.
ഹരിവംശിനെ ജയിലിലേക്ക് അയച്ചിട്ടുണ്ട്. ഇരയുടെ മൃതദേഹം പോസ്റ്റുമാര്ട്ടത്തിനും അയച്ചിട്ടുണ്ട്. അയല്ക്കാരനായ യുവാവുമായുള്ള മകളുടെ ബന്ധം ഹരിവംശ് അംഗീകരിച്ചിരുന്നില്ലെന്നും അതുകൊണ്ടു തന്നെ ഇതൊരു ദുരഭിമാന കൊലയാണെന്നും പോലീസ് പറയുന്നു. അതേസമയും യുവതിയും കാമുകനും ഒരു ജാതിയില് നിന്നുള്ളവരാണ്. കൊലയ്ക്ക് ഉപയോഗിച്ച കത്തിയും കണ്ടെത്തിയിട്ടുണ്ട്. 18 മാസത്തിനിടയില് പടിഞ്ഞാറന് ഉത്തര്പ്രദേശിലെ 23-ാമത്തെ ദുരഭിമാന കൊലയാണ് ഇത്.
https://www.facebook.com/Malayalivartha