ജമ്മു കശ്മീരിലെ ദേശീയപാതയ്ക്കരികില് കുഴി ബോംബ് കണ്ടെത്തി
ജമ്മു കശ്മീരിലെ ദേശീയപാതയ്ക്കരികില് കുഴി ബോംബ് കണ്ടെത്തി. ജമ്മു-ശ്രീനഗര് ദേശീയ പാതയ്ക്ക് സമീപമാണ് ബോംബ് കണ്ടെത്തിയത്. ഇതേ തുടര്ന്ന് ജമ്മു-ശ്രീനഗര് പാത അടച്ചു. വ്യാഴാഴ്ച രാവിലെ ദേശീയ പാതയില് പട്രോളിംഗ് നടത്തിയ സുരക്ഷാ സേനയാണ് കുഴിബോംബ് കണ്ടെത്തിയത്. ബോംബ് കണ്ടെത്തിയതിനെ തുടര്ന്ന് ദേശീയ പാതയിലെ ഗതാഗതം നിര്ത്തിവച്ചിരിക്കുകയാണ്. ബോംബ് സ്ക്വാഡ് എത്തി കുഴിബോംബ് നിര്വീര്യമാക്കിയതായി അധികൃതര് അറിയിച്ചു.
ദേശീയപാതയില് പട്രോളിംഗ് ശക്തമാക്കിയിട്ടുണ്ട്. കുഴിബോംബ് സ്ഥാപിച്ചവരെ കണ്ടെത്താനുള്ള തിരച്ചില് തുടരുകയാണ്.
https://www.facebook.com/Malayalivartha