മമതയെ ഒതുക്കാന് ജഗ്ദീപ് ധന്കര്; പശ്ചിമ ബംഗാളില് മുഖ്യമന്ത്രി മമത ബാനര്ജിയും ഗവര്ണര് ജഗ്ദീപ് ധന്കറും തമ്മിലുള്ള പോര് തുടരുന്നു
പശ്ചിമ ബംഗാളില് മുഖ്യമന്ത്രി മമത ബാനര്ജിയും ഗവര്ണര് ജഗ്ദീപ് ധന്കറും തമ്മിലുള്ള പോര് തുടരുന്നു. ബംഗാള് നിയമസഭ സന്ദര്ശനത്തില് അപമാനിക്കപ്പെട്ടെന്ന് ആരോപണം ഉന്നയിച്ച ഗവര്ണര് ജഗ്ദീപ് ധന്കര് വീണ്ടും നിയമസഭ സന്ദര്ശനത്തിന് ഒരുങ്ങുന്നു.
രാജ്ഭവന് പുറത്തുവിട്ട ഗവര്ണറുടെ വെള്ളിയാഴ്ചത്തെ പരിപാടി പ്രകാരം അദ്ദേഹം ഭാര്യയ്ക്കൊപ്പം പശ്ചിമ ബംഗാല് നിയമസഭ സന്ദര്ശിക്കുകയും അംബ്ദേക്കര് പ്രതിമയില് പുഷ്പാര്ച്ചന നടത്തുകയും ചെയ്യും. വ്യാഴാഴ്ച നിയമസഭയിലെത്തിയപ്പോള് ഗേറ്റ് പൂട്ടിയിട്ടതില് പ്രകോപിതനായ ഗവര്ണര്, സ്പീക്കര് അപമാനിച്ചെന്ന പരാതിയുമായി രംഗത്തെത്തിയിരുന്നു. ഗവര്ണര്ക്കായി പ്രത്യേകം നീക്കിവെച്ചിട്ടുള്ള മൂന്നാം നമ്പര് ഗേറ്റാണ് പൂട്ടിയിരുന്നത്. ഇതേത്തുടര്ന്ന് മാധ്യമപ്രവര്ത്തകര്ക്കും ഉദ്യോഗസ്ഥര്ക്കുമായുള്ള കവാടത്തിലൂടെയാണ് അദ്ദേഹം തന്റെ മുറിയിലേക്കെത്തിയത്. നിയമസഭ പിരിയുന്നുവെന്ന് അറിയിച്ചാല് അതിനര്ഥം സഭാമന്ദിരം പൂട്ടിയിടുന്നു എന്നല്ല. എന്റെ മുറിയിലെ ചില സൗകര്യങ്ങള് പരിശോധിക്കുന്നതിനും വായനാമുറി ഉപയോഗിക്കുന്നതിനുമായി ഞാന് എത്തുമെന്ന് സ്പീക്കറെ അറിയിച്ചതാണ്. നമ്മുടെ ജനാധിപത്യചരിത്രത്തിനുതന്നെ അപമാനകരമാണ് സ്പീക്കറുടെ നടപടി'' -ഗവര്ണര് പറഞ്ഞു.
ജൂണില് അധികാരം ഏറ്റെടുത്തത് മുതല് നിരവധി വിഷയങ്ങളില് മമത സര്ക്കാരുമായി ഗവര്ണര്ക്ക് അഭിപ്രായ വ്യത്യാസങ്ങളുണ്ട്. ദുര്ഗ പൂജയില് ഇരിപ്പിടം ക്രമീകരിക്കുന്നത് സംബന്ധച്ച വിഷയം മുതല് സിങ്കൂരിലേയ്ക്കുള്ള അദ്ദേഹത്തിന്റെ അപ്രതീക്ഷിത സന്ദര്ശനം വരെ സര്ക്കാരും ഗവര്ണറും തമ്മിലുള്ള തര്ക്കത്തിന് ഇടവെച്ചു.
https://www.facebook.com/Malayalivartha