ദയാഹര്ജി ഉടന് പിന്വലിക്കണമെന്ന ആവശ്യവുമായി ഡല്ഹി നിര്ഭയ കേസിലെ പ്രതി
തന്റെ പേരിലുള്ള ദയാഹര്ജി ഉടന് പിന്വലിക്കണമെന്ന ആവശ്യവുമായി ഡല്ഹി നിര്ഭയ കേസിലെ പ്രതി. പ്രതികളിലൊരാളായ വിനയ് ശര്മയാണ് ഈ ആവശ്യം ഉന്നയിച്ച് വിനയ് രാഷ്ട്രപതിക്ക് അപേക്ഷ നല്കിയത്. 2012ലെ ഡെല്ഹി നിര്ഭയ കൂട്ടബലാല്സംഗ കേസിലെ രണ്ടാം പ്രതിയായ വിനയ് ശര്മ്മയുടെ ദയാഹര്ജി തള്ളണമെന്ന് നേരത്തെ കേന്ദ്രസര്ക്കാര് രാഷ്ട്രപതിക്ക് ശുപാര്ശ നല്കിയിരുന്നു.
പ്രതിയുടെ പേരില് കേന്ദ്ര ആഭ്യന്തര മന്ത്രാലയം രാഷ്ട്രപതിക്ക് സമര്പ്പിച്ച ദയാഹര്ജി പ്രതി നല്കിയതോ ഒപ്പുവച്ചതോ അല്ലെന്നും അതിനാല് അത് പിന്വലിക്കണമെന്നുമാണ് വിനയ് ശര്മയുടെ അപേക്ഷയില് പറയുന്നത്.
അടുത്ത തിങ്കളാഴ്ചയാണ് വിചാരണ കോടതിയില് ദയാഹര്ജിയുമായി ബന്ധപ്പെട്ട കേസ് പരിഗണനയ്ക്ക് വരുന്നത്. കഴിഞ്ഞ ദിവസം ദയാഹര്ജി ഡെല്ഹി സര്ക്കാരും തള്ളിയിരുന്നു. രാഷ്ട്രപതി കൂടി ദയാഹര്ജി തള്ളിയാല് പ്രതികളെ തൂക്കിക്കൊല്ലാനുള്ള വാറണ്ട് പുറപ്പെടുവിക്കും.
https://www.facebook.com/Malayalivartha