ഉന്നാവോയില് ബലാത്സംഗവും ക്രൂരകൊലപാതകങ്ങളും കൂടാന് കാരണം പോലീസോ? നടുറോഡില് വെച്ചുണ്ടായ ബലാത്സംഗ ശ്രമത്തില് നിന്നും രക്ഷപ്പെട്ട പെണ്കുട്ടിയോട് ഉന്നാവ് പോലീസ് പറഞ്ഞത്?
യുപിയിലെ ജില്ലയിലെ ഉന്നാവോയില് യുവതികള്ക്ക് എതിരെയുള്ള അതിക്രമങ്ങള് രൂക്ഷമാകുന്നതിന് കാരണം ഉന്നാവോ പോലീസാണ്? ഇവിടെയാണ് ബലാത്സംഗക്കേസിലെ പ്രതികള് ജാമ്യത്തിലിറങ്ങി ഇരയെ തീവെച്ച് കൊലപ്പെടുത്തിയത്. ബിജെപി എംഎല്എ കുല്ദ്വീപ് സിങ്ങ് സേംഗറും കൂട്ടാളികളും യുവതിയെ കൂട്ടബലാത്സംഗം ചെയ്തുവെന്ന കേസും ഇവിടെയാണുള്ളത്. ഉന്നാവിലെ ജനപ്രതിനിധിയാണ് സേംഗര്. പതിനൊന്ന് മാസത്തിനിടെ 86 ബലാത്സംഗങ്ങള് റിപ്പോര്ട്ട് ചെയ്യപ്പെട്ട സ്ഥലമാണ് ഉന്നാവ്.
ഈ വാര്ത്തകളെല്ലാം രാജ്യത്തെ തന്നെ നടുക്കുന്നതിനിടയില് ഉന്നാവ് പോലീസിനെതിരെ കടുത്ത ആരോപണം ഉന്നയിച്ച് ഹിന്ദ്പുര് സ്വദേശിനിയായ യുവതി രംഗത്തെത്തി. തന്നെ ബലാത്സംഗം ചെയ്യാന് ഗ്രാമത്തിലെ പുരുഷന്മാരില് ചിലര് ശ്രമിക്കുന്നുണ്ടെന്ന് പരാതി ഉന്നയിച്ച യുവതിയോട് ബലാത്സംഗം ചെയ്യപ്പെട്ട ശേഷം പരാതി നല്കാന് പോലീസ് ആവശ്യപ്പെടുകയായിരുന്നു എന്നാണ് പെണ്കുട്ടി ആരോപിക്കുന്നത്. യുവതിയെ തീകൊളുത്തി കൊന്ന അതേ സ്ഥലത്താണ് ഈ സംഭവം.
മൂന്ന് മാസങ്ങള്ക്ക് മുമ്ബ് മരുന്നുവാങ്ങാന് യുവതി പോകുമ്ബോഴാണ് ബലാത്സംഗ ശ്രമമുണ്ടായത്. മൂന്ന് പേരെത്തി യുവതിയുടെ വസ്ത്രം വലിച്ചു കീറാന് ശ്രമിച്ചു. യുവതി വനിതാ ഹെല്പ്പ് ലൈന് നമ്ബറായ 1090 വിളിച്ചപ്പോള് 100 ല് വിളിക്കാന് ആവശ്യപ്പെടുകയായിരുന്നു. 100 വിളിച്ചപ്പോള് ഉന്നാവ് പോലീസില് പരാതി നല്കാന് ആവശ്യപ്പെടുകയായിരുന്നു.
അക്രമികളില് നിന്നും രക്ഷപ്പെട്ട യുവതി ഉന്നാവ് പോലീസില് പരാതി നല്കിയപ്പോഴാണ് ബലാത്സംഗം ചെയ്യപ്പെട്ട ശേഷം പരാതി നല്കാന് പോലീസ് ആവശ്യപ്പെട്ടത്. യുവതിയുടെ പരാതി വാങ്ങാതെ പോലീസ് മടക്കി അയയ്ക്കുകയും ചെയ്തു. മൂന്ന് മാസത്തോളം യുവതി പോലീസ് സ്റ്റേഷനില് കയറി ഇറങ്ങിയെങ്കിലും ഫലമുണ്ടായില്ല. ബലാത്സംഗം ചെയ്യാന് ശ്രമിച്ചവര് യുവതിയെ തുടരെ ഭീഷണിപ്പെടുത്തുകയും ചെയ്തു. യുവതി പരാതിപ്പെടാന് ശ്രമിച്ചതിനാണ് ഭീഷണിപ്പെടുത്തല്.
https://www.facebook.com/Malayalivartha