പൗരത്വ ഭേദഗതി ബില് ലോക്സഭയില് അവതരിപ്പിക്കാനിരിക്കെ മുസ്ലിം ലീഗ് ദേശീയ സെക്രട്ടറി പി.കെ. കുഞ്ഞാലിക്കുട്ടി അടിയന്തര പ്രമേയത്തിന് നോട്ടീസ് നല്കി
പൗരത്വ ഭേദഗതി ബില് ലോക്സഭയില് അവതരിപ്പിക്കാനിരിക്കെ മുസ്ലിം ലീഗ് ദേശീയ സെക്രട്ടറി പി.കെ. കുഞ്ഞാലിക്കുട്ടി അടിയന്തര പ്രമേയത്തിന് നോട്ടീസ് നല്കി. ബില് ഇന്ന് കേന്ദ്ര ആഭ്യന്തര മന്ത്രി അമിത് ഷാ ലോക്സഭയില് അവതരിപ്പിക്കാനിരിക്കെയാണിത്. സമാന മനസ്കരായ കക്ഷികളുമായി ചേര്ന്ന് ബില്ലിനെ ഇരുസഭകളിലും എതിര്ക്കുമെന്ന് കുഞ്ഞാലിക്കുട്ടി കഴിഞ്ഞ ദിവസം വ്യക്തമാക്കിയിരുന്നു. ബില്ലിനെതിരെ പ്രതിപക്ഷ ഐക്യനിര ഉയര്ത്താന് മുസ്ലിം ലീഗ് ശ്രമിച്ചുവരുകയാണെന്ന് പി.വി. അബ്ദുല് വഹാബ് എം.പിയും പറഞ്ഞിരുന്നു.
ബില്ലിനെതിരെ മുസ്ലിം ലീഗ് ഇന്ന് ഗാന്ധി പ്രതിമക്ക് മുന്നില് പ്രതിഷേധിക്കും. രാജ്യമൊട്ടുക്കും പ്രതിഷേധമുയരുന്നതിനിടയിലാണ് ആറു പതിറ്റാണ്ടായി പിന്തുടരുന്ന പൗരത്വ നിയമം ഭേദഗതി ചെയ്യുന്ന ബില് കേന്ദ്ര സര്ക്കാര് ലോക്സഭയുടെ തിങ്കളാഴ്ചത്തെ അജണ്ടയിലുള്പ്പെടുത്തിയത്. ബില് പാര്ലമെന്റില് കൊണ്ടു വരുന്നതില് പ്രതിഷേധിച്ച് നോര്ത്ത് ഈസ്റ്റ് സ്റ്റുഡന്റ്സ് ഓര്ഗനൈസേഷന് ഡിസംബര് 10ന് 11 മണിക്കൂര് ബന്ദിന് ആഹ്വാനം നല്കിയിട്ടുണ്ട്.
https://www.facebook.com/Malayalivartha