ഉള്ളി വില കിലോയ്ക്ക്180 രൂപയിലെത്തി നിൽകുമ്പോൾ സബ്‌സിഡി ഉള്ളിക്കായി വരി നിന്നയാള്‍ കുഴഞ്ഞു വീണ് മരിച്ചു. . 55കാരനായ സംബയ്യയാണ് കുഴഞ്ഞു വീണ് മരിച്ചത്. ആന്ധ്രാ പ്രദേശിലെ കൃഷ്ണ ജില്ലയില്‍ റയ്തൂ ബസാറിലാണ് സംഭവം. സബ്‌സിഡി നിരക്കിലാണ് റയ്തൂ ബസാറില്‍ സര്‍ക്കാര്‍ ഉള്ളി എത്തിച്ചിരുന്നത്. കിലോയ്ക്ക് 25 രൂപയാണ് ബസാറിലെ നിരക്ക്. ആധാര്‍ കാര്‍ഡ് കാണിക്കുകയാണെങ്കില്‍ ഒരു കിലോ ഉള്ളി സബ്‌സിഡി നിരക്കില്‍ ലഭിക്കും. ഇതിനായി വലിയ ക്യൂആണ് ബസാറിലുണ്ടായിരുന്നത്. 

പുലര്‍ച്ചെ 5മണി മുതല്‍ ക്യൂ യിൽ നിന്നുതുടങ്ങിയതായിരുന്നു പലരും. ഇതിനിടെയാണ് ഹൃദയാഘാതമുണ്ടായി സാംബയ്യ കുഴഞ്ഞുവീണ് മരിക്കുന്നത്. മണിക്കൂറുകളോളമുള്ള കാത്തുനില്‍പ്പ് ജനങ്ങളുടെ പ്രതിഷേധത്തിനിടയാക്കുന്നുണ്ട്.