തിരിച്ചടി; കര്ണാടകയില് 15 മണ്ഡലങ്ങളിലേക്ക് നടന്ന ഉപതെരഞ്ഞെടുപ്പില് കോണ്ഗ്രസിന് ഏറ്റ കനത്ത തിരിച്ചടിക്കു പിന്നാലെ മുന് മുഖ്യമന്ത്രിയും കോണ്ഗ്രസ് നേതാവുമായ സിദ്ധരാമയ്യ പ്രതിപക്ഷ നേതൃസ്ഥാനം രാജിവച്ചു
കര്ണാടകയില് 15 മണ്ഡലങ്ങളിലേക്ക് നടന്ന ഉപതെരഞ്ഞെടുപ്പില് കോണ്ഗ്രസിന് ഏറ്റ കനത്ത തിരിച്ചടിക്കു പിന്നാലെ മുന് മുഖ്യമന്ത്രിയും കോണ്ഗ്രസ് നേതാവുമായ സിദ്ധരാമയ്യ പ്രതിപക്ഷ നേതൃസ്ഥാനം രാജിവച്ചു. കോണ്ഗ്രസിന്റെ നിയമസഭാകക്ഷിനേതൃ സ്ഥാനവും സിദ്ധരാമയ്യ ഒഴിഞ്ഞു. നിയമസഭാ കക്ഷി നേതാവെന്ന നിലയില് ജനാധിപത്യത്തെ ബഹുമാനിക്കുന്നു. രാജിക്കത്ത് പാര്ട്ടി അധ്യക്ഷ സോണിയ ഗാന്ധിക്ക് നല്കിയതായും സിദ്ധരാമയ്യ മാധ്യമങ്ങളോട് പറഞ്ഞു.
ഉപതെരഞ്ഞെടുപ്പ് നടന്ന 15 മണ്ഡലങ്ങളില് 12 സീറ്റുകളിലും ബിജെപി വിജയം സ്വന്തമാക്കിയിരുന്നു. രണ്ട് സീറ്റുകളില് മാത്രമാണ് കോണ്ഗ്രസിന് ജയിക്കാനായത്.കര്ണാടകയിലെ 15 നിയമസഭ സീറ്റുകളിലേക്ക് നടന്ന ഉപതിരഞ്ഞെടുപ്പില് ബി.ജെ.പി 12 സീറ്റിലും മികച്ച വിജയം നേടിയിരുന്നു. സര്ക്കാരിനെ നിലനിര്ത്താന് പാര്ട്ടിക്ക് കുറഞ്ഞത് ആറ് സീറ്റിലെങ്കിലും വിജയം ആവശ്യമായിരുന്ന സാഹചര്യത്തിലാണ് ഈ നേട്ടം. കോണ്ഗ്രസ് രണ്ട് സീറ്റില് വിജയിച്ചപ്പോള് ജെ.ഡി.എസിന് ഒരു സീറ്റ് പോലും നേടാനായില്ല.
ഉപതിരഞ്ഞെടുപ്പില് നേടിയ 12 സീറ്റുകളക്കം ബിജെപിക്ക് ഇപ്പോള് സഭയില് 118 പേരുടെ അംഗബലമായി. നേരത്തെ 106 എംഎല്എമാര് ബിജെപിക്കൊപ്പമുണ്ട്. ഉപതിരഞ്ഞെടുപ്പില് ജയിച്ച ബിജെപിയുടെ 11 സ്ഥാനാര്ഥികളും കോണ്ഗ്രസില് നിന്നും ജെഡിഎസില് നിന്നും കൂറുമാറി എത്തിയവരാണ്. ജയിച്ച 12 പേര്ക്കും മന്ത്രിസ്ഥാനവും ലഭിക്കും. അടുത്ത ദിവസം തന്നെ യെദ്യൂരപ്പ മന്ത്രിസഭാ വികസനം നടത്തുമെന്നാണ് അറിയുന്നത്. 12 പേരേയും ക്യാബിനറ്റ് മന്ത്രിമാരാക്കാനാണ് തീരുമാനം.
സഖ്യസര്ക്കാരിനുള്ള പിന്തുണ പിന്വലിച്ച് 17 കോണ്ഗ്രസ്, ജെ.ഡി.എസ്. എം.എല്.എ.മാര് രാജിവെച്ചതിനെത്തുടര്ന്നാണ് ഉപതിരഞ്ഞെടുപ്പ് വേണ്ടിവന്നത്. 17-ല് 15 ഇടങ്ങളിലാണ് ഉപതിരഞ്ഞെടുപ്പ് നടന്നത്. രണ്ടിടത്ത് തിരഞ്ഞെടുപ്പ് പ്രഖ്യാപിച്ചിട്ടില്ല. അതിന്റെ ഫലം എതിരായാലും യെദ്യൂരപ്പ സര്ക്കാരിനെ ബാധിക്കില്ല. ഉപതിരഞ്ഞെടുപ്പ് ഫലം പുറത്ത് വന്നതോടെ കര്ണാടക നിയമസഭയുടെ അംഗബലം 222 ആയി. കേവല ഭൂരിപക്ഷത്തിന് വേണ്ടത് 112 എംഎല്എമാരുടെ പിന്തുണയാണ്. നേരത്തെ 106 പേരുടെ പിന്തുണയുണ്ടായിരുന്ന ബിജെപിക്കിപ്പോള് 118 പേരുടെ പിന്തുണയായി.
15 കോണ്ഗ്രസ് -ജെഡിഎസ് എംഎല്എമാര് അയോഗ്യരായതോടെയാണ് കര്ണാടകത്തില് ഉപതെരഞ്ഞെടുപ്പ് വേണ്ടി വന്നത്. വ്യാഴാഴ്ച നടന്ന ഉപതെരഞ്ഞെടുപ്പില് 67.91 ശതമാനം പേര് വോട്ട് രേഖപ്പെടുത്തി. കുതിരക്കച്ചവടത്തിലൂടെ അധികാരത്തിലേറിയ യെദ്യൂരപ്പ സര്ക്കാരിന്റെ ഭാവി നിശ്ചയിക്കുന്ന തെരഞ്ഞെടുപ്പിലാണ് ബിജെപി നേട്ടമുണ്ടായിരിക്കുന്നത്. ബിജെപിക്ക് ഭരണം നിലനിര്ത്താന് ഏഴുസീറ്റുകളിലെ ജയം അനിവാര്യമായിരുന്നു.
https://www.facebook.com/Malayalivartha